Гэрэл зургийг MPA агентлагийн онцгой зөвшөөрөлтэйгөөр ашиглав

Цагдаагийн еренхий газраас тээврийн хэрэгслийг тэгш, сондгойгоор хөдөлгөөнд оролцуулах хязгаарлалтын шинэ бүсүүдийг танилцууллаа.

“Замын хөдөлгөөний ачааллыг бууруулах талаар авах зарим арга хэмжээний тухай” А/1037 дугаар захирамжийн хоёрдугаар хавсралтын 2-т заасан бүсчлэлийг өргөсгөж дараах байдлаар тогтоохоор болсон.

•  Энхтайваны өргөн чөлөөнд Саппорогийн уулзвараас баруун тийш Таван шарын уулзвар хүртэл;
•  Их Монгол Улсын гудамж Хоум плазагийн уулзвараас урагш, И-Март дэлгүүрийн уулзвар хүртэл,
•  Дунд голын гудамж, Махатма Гандигийн гудамжнаас дотогш замын хөдөлгөөнд оролцохыг нэмж хязгаарлана. 

 

Яармаг орчмын дугаарын хязгаарлалтын бус нь ДЦС-3 , 120-н уулзвар хүрээд зогсож байгаа юм. Таван шараас офицеруудын ордны хооронд нэгдүгээр эгнээгээр нийтийн тээврийн хэрэгслийг зорчуулахаар төлөвлөсөн гэж ТЦА-ны ЗЦГ-ын дэд дарга, хурандаа Ч.Батболд хэллээ. 

 

Дугаарын хязгаарлалтад хамаарахгүй тээврийн хэрэгслүүд:

• Зохих зөвшөөрөл, тоноглол бүхий бүх төрлийн хүнсний бүтээгдэхүүний түгээлт, татан авалтын тээврийн хэрэгсэл
• Оршуулгад явж буй тээврийн хэрэгсэл
• Авто зам, хот тохижилт, шугам сүлжээний засвар, үйлчилгээний тээврийн хэрэгсэл
• Дипломат байгууллага болон гадаад улсын зочин, төлөөлөгчид үйлчлэх тээврийн хэрэгсэл
• Сургууль, цэцэрлэг, байгууллагын ажилчдыг тээвэрлэх үйл ажиллагаанд ашиглах тээврийн хэрэгсэл
• Нийтийн тээвэр, стандартын шаардлага хангасан такси үйлчилгээ
• Таних тэмдэг бүхий хэвлэл мэдээллийн байгууллагын тээврийн хэрэгсэл хамаарахгүй юм.