"127 дугаар сургуульд 100 ор дэлгэн нүүлгэн шилжүүлэх ажил явагдаж байна"
Нийслэлд орсон аадар борооны улмаас Баянзүрх, Сүхбаатар дүүргийн хэд хэдэн хороонд айлын хашаа, байшин, гэр, автомашин үерт автсан.
Баянзүрх дүүргийн 21 дүгээр хороо Монелийн задгайд гэр усанд автаж гурван иргэн тогонд цохиулснаас хоёр иргэн нас барсан.
Уг дүүрэгт үүссэн үерийн голомтод Нийслэлийн Онцгой байдлын газрын гал түймэр унтраах, аврах ангиудын 90 гаруй алба хаагч аюулгүй байдлыг ханган ажиллаж байна.
Нийслэлд орсон аадар борооны улмаас дээр дурдсан хоёр дүүргийн 97 айл үерт автаж, эдгээр айл өрхүүдийг 127 дугаар сургуульд 100 ор дэлгэн нүүлгэн шилжүүлэх ажил явагдаж байна.
Эх сурвалж: Монгол Улсын Шадар сайдын мэдээлэл
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
3 СЭТГЭГДЭЛТЭЙ
|
