Өнгөрсөн хоногт коронавируст халдварын улмаас эмчилгээнд орсон хүний тоо 1,617-оор өслөө.
Тодруулбал, өчигдөр халдварын улмаас гэрийн эмчилгээнд 1,572, эмнэлэгт 45 хүн нэмж хэвтжээ.
Одоогоор нийт 70,992 хүн уг өвчний улмаас эмчлүүлж байна. Үүнээс 59,737 хүн өрхийн эмчийн хяналтад гэртээ тусгаарлагдан эмчлүүлж байгаа бол 11,255 хүн эмнэлэгт байна.
Эмнэлэгт байгаа иргэдийн 31.2 хувийнх нь биеийн байдал хөнгөн байгаа бол 68.7 хувь нь хүндэвтэр, хүнд, маш хүнд гэсэн оноштой байгаа юм.
Дээрх иргэдийн нь 2,445 хүүхэд бол 1,425 нь жирэмсэн эмэгтэй гэдгийг Эрүүл мэндийн яамнаас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!