Б.Артур: Тяньжин боомтод байгаа 4,575 чингэлэгтэй ачааг өвлөөс өмнө шуурхай тээвэрлэхээр талууд ажиллаж байна

Гэрэл зургийг MPA.mn

Зам, тээврийн салбарт 2021 онд хийхээр төлөвлөсөн төсөл, хөтөлбөр, бүтээн байгуулалт, түүний биелэлт болон Тяньжин, Эрээн, Замын-Үүд боомтод гацсан чингэлэг, ачаа тээвэр, Гашуунсухайтын нүүрс тээврийн асуудлаар ЗТХЯ-наас өнөөдөр мэдээлэл хийсэн билээ. 

Энэ үеэр Тяньжин боомтод өнөөдрийн байдлаар 4,640 чингэлгийн үлдэгдэл байгааг хэллээ. 

Мөн өнгөрсөн найм, ес, аравдугаар сард 6,565 чингэлэг ачигдсан. Ерөнхий сайд Л.Оюун-Эрдэнэ БНХАУ Төрийн зөвлөлийн Ерөнхий сайд Ли Көчянтай хийсэн уулзалтаас хойш дараах өөрчлөлт гарсан.

Нэг. Хятадын талаас Тяньжин боомтоос долоо хоног тутамд дөрвөн галт тэрэг нэмэлтээр явуулж эхэлсэн.

• Аравдугаар сарын 1-11-ний өдрүүдэд 12 галт тэрэг 
• Аравдугаар сарын 12-19-ний өдрүүдэд 12 галт тэрэг

Хоёр. Энэ сарын 12-ны байдлаар Тяньжин боомтод байгаа 4,575 чингэлгийг өвлөөс өмнө шуурхай тээвэрлэхээр талууд ажиллаж байна.

Аравдугаар сард багтаан тэргүүн ээлжид эм, эмнэлгийн хэрэгсэл, хөлдөж муудах, хадгалах хугацаа нь дуусах эрсдэлтэй чингэлгүүдийг ачиж, тээвэрлэхээр яриа хэлэлцээ хийж буйг ЗТХЯ-ны Төмөр зам, далайн тээврийн бодлогын хэрэгжилтийг зохицуулах газар Б.Артур хэлэв.