ФОТО: МҮОХ-ны ерөнхийлөгчөөр Н.Түвшинбаяр 94.6%-ийн саналаар сонгогдлоо
Монголын Үндэсний олимпын хорооны ээлжит бус хурал өнөөдөр болж, шинэ ерөнхийлөгчөөрөө Найдангийн Түвшинбаярыг сонголоо.
Өмнөх ерөнхийлөгч Д.Загдсүрэн эрүүл мэндийн шалтгаанаар ажлаа 2019 оны аравдугаар сард өгсөн бөгөөд дараагийн удирдлагыг сонгох хурал энэ оны эхээр болох байсан ч COVID-19-тэй холбоотойгоор хойшилсоор ийнхүү өнөөдөр болж байна.
МҮОХ 176 гишүүнтэй бөгөөд хурал 74%-ийн ирцтэйгээр болж өндөрлөв. Тус хорооны ерөнхийлөгчид нэг хүн нэр дэвшсэн ч хуралд оролцсон гишүүдийн 50+1 хувийн саналыг авч байж сонгогдох журамтай. Н.Түвшинбаяр хуралд оролцсон нийт гишүүдийн 94.6 хувийн саналаар ийнхүү сонгогдож, ирэх дөрвөн жилд МҮОХ-оог тэргүүлэхээр боллоо.
Олимпын ууган аварга Н.Түвшинбаярын хувьд Монголдоо олимпизмын үзэл санааг хөгжүүлэхэд хамгийн их хувь нэмэр оруулсан хүн. Тиймээс ирэх дөрвөн жилд эл үзэл санааг улам түгээн дэлгэрүүлж, Монгол Улсын тамирчид олимпод амжилт үзүүлэхэд илүү их хувь нэмрээ оруулж чанда хэмээн спортын хамт олон нь үзэж байгаа аж.
МҮОХ-ны шинэ ерөнхийлөгч Н.Түвшинбаярын намтар ба спортын олон улсад гаргасан томоохон амжилт:
- 2008 онд Зуны олимпын 29 дүгээр наадмын алт
- 2012 онд Зуны олимпын 30 дугаар наадмын мөнгө
- 2017 онд Дэлхийн аварга шалгаруулах тэмцээний хүрэл
- 2015 онд Багийн дэлхийн аварга шалгаруулах тэмцээний хүрэл
- 2014 онд Азийн наадмын алт
- 2014 онд Ази тивийн аварга шалгаруулах тэмцээний алтан медаль хүртсэн.
Монгол Улсын түүхэнд 2008 оны энэ өдөр олимпын анхны аварга болсон амжилтыг нь үнэлж, түүнийг Монгол Улсын хөдөлмөрийн баатар, гавьяат тамирчин цолоор шагнасан бөгөөд 2017 онд Чингис хааны одон хүртээсэн байдаг.
Сонгуульт ажил:
- 2009-2013 онд Олон улсын жудо бөхийн холбоонд Олон улсын жудо бөхийн тамирчдын зөвлөлийн жинхэнэ гишүүн
- 2015 онд Гадаад харилцааны яамны урилгаар Монгол Улсын Соёлын элч
- 2010 оноос одоог хүртэл Хүмүүнлэгийн Түвшин санг үүсгэн байгуулагч, ерөнхийлөгч
Гэрэл зургууд:
