ХУУЧИРСАН МЭДЭЭ: 2020/08/14-НД НИЙТЛЭГДСЭН
Н.Түвшинбаяр олимпын аварга болсон өдрөө Олимпын хорооны Ерөнхийлөгч болох уу?
iKon.MN
Гэрэл зургийг mpa.mn
Монгол Улс Олимпын анхны аваргатай болсон түүхэн өдөр /2008.08.14/ өнөөдөр тохиож байна.
Тодруулбал, Одоогоос 12 жилийн өмнөх энэ өдөр буюу 2008 оны зуны олимпын 29-р наадмаас 24 настай, Найдангийн Түвшинбаяр жүдо бөхийн -100 кг-ийн жинд алтан медаль хүртэж, Монголчуудын 44 жилийн турш хүлээсэн хүслийг биелүүлж байжээ.
Тэгвэл анхны алтан медаль хүртсэн түүхэн энэ өдөр хөл хорионоос болж хойшлогдоод байсан Монголын Үндэсний Олимпын Хорооны ерөнхийлөгчийг сонгох хурал болж байна.
Тус хорооны ерөнхийлөгчид ганц хүн нэр дэвшсэн нь Олимпын алт, мөнгөн медальт, Хөдөлмөрийн баатар, гавьяат тамирчин Н.Түвшинбаяр юм.
Хэрэв өнөөдөр МҮОХ-ны ерөнхийлөгчөөр Н.Түвшинбаяр сонгогдвол, Олимпын аварга болсон түүхэн өдөртэй давхцах юм байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
