Найм дахь удаагийн парламент 13 эмэгтэй гишүүнтэй боллоо. УИХ-ын сонгуульд МАН, АН-аас 16, 16 эмэгтэй өрсөлдсөн юм.
13 гишүүнээс МАН-ын 11, АН-ын 2 төлөөлөл байгаа бөгөөд дөрөв нь өмнөх парламентаас улиран сонгогджээ. Мөн 13 эмэгтэй гишүүний дөрөв нь сэтгүүлч мэргэжилтэй бол хоёр нь эдийн засагч байна.
МАН:
- Д.Сарангэрэл - сэтгүүлч мэргэжилтэй, Эрүүл мэндийн сайд, улиран сонгогдсон.
- Б.Саранчимэг - удирдлагын автоматжуулалтын системийн инженер, улиран сонгогдсон.
- М.Оюунчимэг - сэтгүүлч, улиран сонгогдсон.
- Г.Мөнхцэцэг - утга зохиол судлаач, сэтгүүлч, улиран сонгогдсон.
- Х.Булгантуяа - эдийн засагч, Сангийн дэд сайд.
- Б.Баярсайхан - эрх зүйч, сэтгүүлч, БСШУСЯ-ны Төрийн нарийн бичгийн дарга асан.
- Ц.Мөнхцэцэг - улс төр судлаач.
- Ч.Ундрам -эдийн засагч
- Д.Өнөрболор -дипломатч, Сөүл группийн ерөнхийлөгч
- Б.Жаргалмаа -сэтгүүлч
- П.Анужин - олон улсын харилцааны эрх зүйч.
АН:
- С.Одонтуяа - эдийн засагч
- А.Адьяасүрэн - багш
ГЭРЭЛ ЗУРГУУД: /ЗУРАГ ДЭЭР ДАРЖ ТОМООР ХАРАХ БОЛОМЖТОЙ/
Өмнөх парламент буюу 2016 оны сонгуулиар мөн л 13 эмэгтэй гишүүн сонгогдсон билээ.
2012 онд 11, 2008 онд 3, 2004 онд 5, 2000 онд 8, 1996 онд 7, 1992 онд 3 эмэгтэй гишүүн парламентад төлөөлөл болон ажиллаж байв.
Хоёр парламент дараалан 13 эмэгтэй УИХ-д сонгогдон ажиллаж байгаа нь төрд эмэгтэйчүүдийн оролцоо нэмэгдэж буйг илтгэж байна.
Гэрэл зургийг mpa.mn 2020.06.30/
Сонгуулийн тухай хуулийн 30.2 дахь заалтад нам, эвслээс нэр дэвшиж байгаа нийт нэр дэвшигчийн 20-оос доошгүй хувь нь аль нэг хүйсийнх байна гэж заасан байдаг.