Х.Бат-Ялалтад холбогдох хэргийн шүүх хуралдаан хойшилжээ
Х.Бат-Ялалтад холбогдох хэргийн гэм буруугийн шүүх хуралдаан хойшилжээ.
Тодруулбал, Нийслэлийн прокурорын газраас Х.Бат-Ялалтад холбогдуулан Эрүүгийн хуулийн тусгай ангийн 17.6 дугаар зүйлийн 1 дэх хэсэгт зааснаар яллах дүгнэлт үйлдэж ирүүлсэн эрүүгийн хэргийг Чингэлтэй дүүргийн Эрүүгийн хэргийн анхан шатны шүүх хүлээн авч хянан хэлэлцээд өнөөдөр буюу 2020 оны тавдугаар сарын 8-ны өдөр гэм буруугийн шүүх хуралдааныг товлосон.
Гэвч шүүгдэгч Х.Бат-Ялалтын өмгөөлөгч Ч.Баднайнямбуу, Л.Даваасүрэн нар шүүх хуралдаан давхцсан тул шүүх хуралдааныг хойшлуулж өгнө үү гэсэн хүсэлт бичгээр ирүүлснийг шүүх хүлээн авч шүүх хуралдааныг 2020 оны тавдугаар сарын 22-ны 10:00 цаг хүртэл хугацаагаар хойшлуулсан байна.
Эх сурвалж: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газар
