"Холливуд Монголд" олон улсын кино уран бүтээлчдийн анхдугаар наадам Монголд анх удаа зохион байгуулагдах гэж байгаа талаар бид өмнө нь мэдээлсэн билээ.
Тэгвэл тус наадам энэ оны тавдугаар сарын 1-7-ны өдрүүдэд Улаанбаатар хотноо зохион байгуулагдахаар товлогдсон талаар зохион байгуулагчдын зүгээс өнөөдөр мэдээлэл хийлээ.
"Холливуд Монголд" төслийн удирдагч, "Хануй филм" ТББ-ын тэргүүн А.Баярцэцэг "Холливуд Монголд" олон улсын кино уран бүтээлчдийн анхдугаар наадмын бэлтгэл ажил дуусч байна. Холливудаас ирэх зочдын эхний хүн нь өглөө монголд буулаа. Өнөөдөр, маргаашдаа багтаад үлдсэн 15 зочин маань хүрэлцэн ирэхээр төлөвлөгдсөн.
Ийнхүү Холливудын мэргэжлийн уран бүтээлчид нэгдсэн байдлаар анх удаа Монгол Улсад хүрэлцэн ирж байгаа нь манай улсын кино урлагийн түүхэнд нэгэн шинэ хуудсыг нээсэн чухал арга хэмжээ болж буйг дахин хэлмээр байна.
Ерөнхий үйл ажиллагааны хөтөлбөр:
Мөн олон улсын статус бүхий энэхүү наадмыг хоёр жил тутамд зохион байгуулахаар төлөвлөж байгаа Түүнчлэн Монголын хамгийн анхны таван одтой франчайз зочид буудал болох “Туушин” зочид буудал бидэнтэй хамтран ажиллаж зочдыг маань байрлуулах гэж буйд талархсанаа илэрхийлье” гэлээ.
Альфонсо Куароны “Рома” кинонд продюсераар ажилласан, гурван удаагийн Оскарын шагналт, Креатив дректор Брайс Нельсен “Сэтгэл үнэхээр өндөр байна. Монголд буухад хатдын хувцастай хүмүүс угтаж авсан явдалд баярлаж байна. Цааш цаашдын арга хэмжээ үр дүнгээ өгсөн сайхан наадам болно гэдэгт итгэлтэй байна.
Миний хувьд гурван удаагийн Оскарын шагнал авсан "Рома" кинон дээрээ ажилласан туршлага зөвлөгөөнөөс хуваалцана” хэмээн хэллээ.