"Эрдэнэт үйлдвэр"-ийн Ерөнхий захирлыг өөрчлөх бололтой
Уулын баяжуулах "Эрдэнэт үйлдвэр"-ийн Ерөнхий захирлыг өөрчлөн томилох бололтой.
Х.Хэрлэн нь барилгын инженер, эрхзүйч мэргэжилтэй. ТӨХ-ны Төрийн өмчийн удирдлага, хувьчлалын газрын дарга, “Монголын Төмөр Зам” ТӨХК-ийн Гүйцэтгэх захирал, Үйлдвэр Худалдааны Яамны Хөнгөн үйлдвэрийн газрын Орлогч даргаар ажиллаж байсан туршлагатай. 2017 оны 12 дугаар сард Ашигт малтмал, Газрын тосны газрын даргаар томилогдсон байна.
Х.Бадамсүрэн захирлын хувьд уул уурхайн инженер-маркшейдер мэргэжилтэй. "Бор-Өндөрийн уулын баяжуулах үйлдвэр"-т Захирлын нэгдүгээр орлогч, "Монголросцветмет нэгдэл"-д Ерөнхий захирлаар ажиллаж байсан. Улмаар Уул уурхай, хүнд үйлдвэрийн дэд сайд байхдаа "Эрдэнэт үйлдвэр"-ийн даргаар томилогджээ.
Монгол Улсын Засгийн газраас "Эрдэнэт" үйлдвэрт 2019 оны гуравдугаар сарын 6-наас эхлэн зургаан сарын хугацаатай онцгой дэглэм тогтоож, зарим албан тушаалтныг ажлаас нь чөлөөлж, өрөөг нь битүүмжлэн санхүүгийн шалгалт оруулаад байгаа билээ.
