Ослын голомт руу очих замыг засварлаж, ус соруулах хоолойн холболтыг хийж байна
20:53 2019/03/01
Төв аймгийн Заамар сумын нутагт үйл ажиллагаа явуулж байгаа “Эко-Алтан Заамар” компанийн ил уурхайд гарсан ослын голомтод ОБЕГ-ын дэд дарга, хурандаа Б.Ууганбаяр, ОБЕГ-ын ГШУГ-ын дарга, хурандаа Б.Мандахгэрэл нараар ахлуулсан Онцгой байдлын байгууллагын 30 гаруй алба хаагч үүрэг гүйцэтгэж, нурангид дарагдсан дөрвөн иргэн, КАТ-374 загварын эксковатор, КАТ-D-8-Т загварын бульдозерыг гаргах ажиллагааг явуулж байна.
Нурангийн талбайд хөрсний усны ундрага ихтэй, уурхайн хананаас ус урсаад байгаа учир дахин нуранги болох эрсдэлтэй, аврах ажиллагаа явуулах хүндрэлтэй байгаа аж.
Одоогийн байдлаар аврагчид нурангид дарагдсан дөрвөн иргэн, хоёр техник рүү хүрч очих зам тавьж, усыг соруулах хоолойн холболтыг хийж байна. Мөн бульдозерыг татан гаргахын тулд троссын холболтыг хийхээр дөрвөн аврагч дөрвөн метрийн гүнтэй, шавартай усанд 1-6 удаагийн шумбалт хийгээд байна гэж Онцгой байдлын ерөнхий газраас мэдээллээ.
12:48 2019/03/01
ЦЕГ-ын Хэвлэл мэдээллийн төвийн дарга Б.Баатархүү "Эко Алтан Заамар" компанийн уурхайд гарсан ослын газрын нөхцөл байдлын талаар дараах мэдээллийг өглөө.
Тэрбээр "Цагдаагийн байгууллагад ослын дуудлага 2019 оны хоёрдугаар сарын 28-ны өдрийн 17:50 цагт ирсэн.
Цагдаагийн байгууллага Онцгой байдлын алба хаагчидтай хамтран аврах ажиллагаанд оролцож байгаа. Өнөөдрийн 11:00 цагийн байдлаар нурангид дарагдсан дөрвөн ажилтныг гаргаагүй байгаа гэх мэдээллийг ирүүлсэн.
Нурангид дарагдсан "Эко Алтан Заамар" компанийн дөрвөн ажилтан 1988-1960 онд төрсөн. Одоогоор илүү дэлгэрэнгүй мэдээлэл ирээгүй байна" гэлээ.
11:30 2019/03/01
"Дарагдсан ажилчдын хаана байж болзошгүйг тогтоочихсон"
Хөрсний нуралт болсон уурхайд аврах багийг ахлан ажиллаж буй Онцгой байдлын газрын дэд дарга, хурандаа Б.Ууганбаяр "Осол гарсан өдөр уурхайн талбайд ажиллаж байгаад дарагдсан дөрвөн хүний хоёр нь эксковатор болон бульдозертойгоо шороонд дарагдсан бол насос дээр ажиллаж байсан хоёр хүн нурангиас зугтаж байгаад дарагдсан байна. Энэ мэдээллийг тухайн үед газар дээр нь ажиллаж байсан мастераас тодруулаад, ажилчид хаана байж болзошгүй вэ гэдгийг тогтоочихсон.
Тиймээс дарагдсан иргэдийг яаралтай гаргаж авмаар байна. Гэсэн ч усны түвшин өндөр, нэмж хана даган ус урсаж байгаа, дахин нуралт үүсэх эрсдэлтэй байгаа учраас аврагчид орж чадахгүй байна" хэмээн ярилаа.
10:50 2019/03/01
Осол болсон уурхайн карьерт усны ундрага ихтэй байгаа тул аврах ажиллагаа хүнд нөхцөлд үргэлжилж байна
Төв аймгийн Заамар сумын төвөөс баруун хойд зүгт 20 км-т орших Баянголын амны Ууцар гэдэг газарт “Эко-Алтан Заамар” ХХК-ийн ашигт малтмалын олборлолтын 100 метр өргөн, 80 метрийн гүнтэй ил уурхайд нуралт болж зургаан хүн, КАТ-374 загварын эксковатор, КАТ-D-8-Т загварын бульдозер дарагдсан осол гарсан.
Уг осол болсон даруйд хоёр иргэнийг эсэнд мэнд гаргасан бөгөөд ослын дуудлагыг Онцгой байдлын байгууллагад мөн өдрийн 16:00 цагт ирүүлсэн.
Дуудлагын дагуу Онцгой байдлын газрын дэд дарга, хурандаа Б.Ууганбаяр, ОБЕГ-ын ГШУГ-ын дарга, хурандаа Б.Мандахгэрэл нараар ахлуулсан Үндэсний аврах бригад, Уул уурхайн аврах ангийн 20 алба хаагч Зэвсэгт хүчний 303 дугаар ангийн Ми-171Е загварын нисдэг тэргээр ослын газарт очин шороонд дарагдсан дөрвөн иргэнийг эрэн хайх, аврах ажиллагааг явуулж байна.
Мөн Хойд бүсийн төв Орхон аймгийн Онцгой байдлын газрын зургаан алба хаагч, Үндэсний аврах бригадын дөрвөн алба хаагч өнөө өглөө ослын газарт очин, хүч нэмэгдүүлэн ажиллаж байгаа.
Осол болсон уурхайн карьерт усны ундрага ихтэй байгаа тул аврах ажиллагаа нэлээд хүнд нөхцөлд үргэлжилж байна гэж Онцгой байдлын ерөнхий газраас мэдээллээ.
10:17 2019/03/01
Хөрсний нуралт болсон “Эко Алтан Заамар” компанийн уурхайд аврах ажиллагаа үргэлжилж байна
Төв аймгийн Заамар сумын нутаг дэвсгэрт үйл ажиллагаа явуулдаг “Эко Алтан Заамар” ХХК-ийн уурхайд хөрсний нуралт болсон тул аврах ажиллагаа хийгдэж байгааг ОБЕГ-аас мэдээллээ.
Нуранги өчигдөр үдээс хойш болж хоёр техник, зургаан хүн дарагдсан. Хоёр хүнийг нурангиас гарган эмнэлэгт хүргэсэн. Аврагчид үлдсэн дөрвөн хүнийг эрэн хайх, аврах ажиллагааг үргэлжлүүлж байгааг албаны эх сурвалж хэллээ.
Ослын газарт ажиллаж байгаа ОБЕГ-ын дэд дарга, хурандаа Б.Ууганбаяраар ахлуулсан аврах багийнхантай холбогдох гэсэн боловч сүлжээгүй байгаа юм.
Түүнчлэн ослын газарт МХЕГ-ын дэд дарга Д.Энхсайхан болон Төв аймгийн мэргэжлийн хяналтын байцаагч нар ажиллаж, нөхцөл байдалтай холбогдуулан тус компанийн үйл ажиллагааг зогсоожээ.
Бид ослын газрын нөхцөл байдлын талаар тодруулан дахин мэдээлэл хүргэх болно.
10:50 2019/03/01
Осол болсон уурхайн карьерт усны ундрага ихтэй байгаа тул аврах ажиллагаа хүнд нөхцөлд үргэлжилж байна
Төв аймгийн Заамар сумын төвөөс баруун хойд зүгт 20 км-т орших Баянголын амны Ууцар гэдэг газарт “Эко-Алтан Заамар” ХХК-ийн ашигт малтмалын олборлолтын 100 метр өргөн, 80 метрийн гүнтэй ил уурхайд нуралт болж зургаан хүн, КАТ-374 загварын эксковатор, КАТ-D-8-Т загварын бульдозер дарагдсан осол гарсан.
Уг осол болсон даруйд хоёр иргэнийг эсэнд мэнд гаргасан бөгөөд ослын дуудлагыг Онцгой байдлын байгууллагад мөн өдрийн 16:00 цагт ирүүлсэн.
Дуудлагын дагуу Онцгой байдлын газрын дэд дарга, хурандаа Б.Ууганбаяр, ОБЕГ-ын ГШУГ-ын дарга, хурандаа Б.Мандахгэрэл нараар ахлуулсан Үндэсний аврах бригад, Уул уурхайн аврах ангийн 20 алба хаагч Зэвсэгт хүчний 303 дугаар ангийн Ми-171Е загварын нисдэг тэргээр ослын газарт очин шороонд дарагдсан дөрвөн иргэнийг эрэн хайх, аврах ажиллагааг явуулж байна.
Мөн Хойд бүсийн төв Орхон аймгийн Онцгой байдлын газрын зургаан алба хаагч, Үндэсний аврах бригадын дөрвөн алба хаагч өнөө өглөө ослын газарт очин, хүч нэмэгдүүлэн ажиллаж байгаа.
Осол болсон уурхайн карьерт усны ундрага ихтэй байгаа тул аврах ажиллагаа нэлээд хүнд нөхцөлд үргэлжилж байна гэж Онцгой байдлын ерөнхий газраас мэдээллээ.
11:30 2019/03/01
"Дарагдсан ажилчдын хаана байж болзошгүйг тогтоочихсон"
Хөрсний нуралт болсон уурхайд аврах багийг ахлан ажиллаж буй Онцгой байдлын газрын дэд дарга, хурандаа Б.Ууганбаяр "Осол гарсан өдөр уурхайн талбайд ажиллаж байгаад дарагдсан дөрвөн хүний хоёр нь эксковатор болон бульдозертойгоо шороонд дарагдсан бол насос дээр ажиллаж байсан хоёр хүн нурангиас зугтаж байгаад дарагдсан байна. Энэ мэдээллийг тухайн үед газар дээр нь ажиллаж байсан мастераас тодруулаад, ажилчид хаана байж болзошгүй вэ гэдгийг тогтоочихсон.
Тиймээс дарагдсан иргэдийг яаралтай гаргаж авмаар байна. Гэсэн ч усны түвшин өндөр, нэмж хана даган ус урсаж байгаа, дахин нуралт үүсэх эрсдэлтэй байгаа учраас аврагчид орж чадахгүй байна" хэмээн ярилаа.
12:48 2019/03/01
ЦЕГ-ын Хэвлэл мэдээллийн төвийн дарга Б.Баатархүү "Эко Алтан Заамар" компанийн уурхайд гарсан ослын газрын нөхцөл байдлын талаар дараах мэдээллийг өглөө.
Тэрбээр "Цагдаагийн байгууллагад ослын дуудлага 2019 оны хоёрдугаар сарын 28-ны өдрийн 17:50 цагт ирсэн.
Цагдаагийн байгууллага Онцгой байдлын алба хаагчидтай хамтран аврах ажиллагаанд оролцож байгаа. Өнөөдрийн 11:00 цагийн байдлаар нурангид дарагдсан дөрвөн ажилтныг гаргаагүй байгаа гэх мэдээллийг ирүүлсэн.
Нурангид дарагдсан "Эко Алтан Заамар" компанийн дөрвөн ажилтан 1988-1960 онд төрсөн. Одоогоор илүү дэлгэрэнгүй мэдээлэл ирээгүй байна" гэлээ.
20:53 2019/03/01
Төв аймгийн Заамар сумын нутагт үйл ажиллагаа явуулж байгаа “Эко-Алтан Заамар” компанийн ил уурхайд гарсан ослын голомтод ОБЕГ-ын дэд дарга, хурандаа Б.Ууганбаяр, ОБЕГ-ын ГШУГ-ын дарга, хурандаа Б.Мандахгэрэл нараар ахлуулсан Онцгой байдлын байгууллагын 30 гаруй алба хаагч үүрэг гүйцэтгэж, нурангид дарагдсан дөрвөн иргэн, КАТ-374 загварын эксковатор, КАТ-D-8-Т загварын бульдозерыг гаргах ажиллагааг явуулж байна.
Нурангийн талбайд хөрсний усны ундрага ихтэй, уурхайн хананаас ус урсаад байгаа учир дахин нуранги болох эрсдэлтэй, аврах ажиллагаа явуулах хүндрэлтэй байгаа аж.
Одоогийн байдлаар аврагчид нурангид дарагдсан дөрвөн иргэн, хоёр техник рүү хүрч очих зам тавьж, усыг соруулах хоолойн холболтыг хийж байна. Мөн бульдозерыг татан гаргахын тулд троссын холболтыг хийхээр дөрвөн аврагч дөрвөн метрийн гүнтэй, шавартай усанд 1-6 удаагийн шумбалт хийгээд байна гэж Онцгой байдлын ерөнхий газраас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
71 СЭТГЭГДЭЛТЭЙ
|
