Өнгөрсөн амралтын өдрүүдэд буюу 8-р сарын 25, 26-нд Замын цагдаагийн алба нийт 660 дуудлага хүлээн авснаас зам тээврийн ослын шинжтэй 406 дуудлага хүлээн авчээ.
Үүнээс осол, хэргийн улмаас нийслэлд 20 хүн гэмтэж бэртсэний 4 нь бага насны хүүхэд байсан бөгөөд орон нутагт 6 хүний амь нас хохирсон байна.
Гудамж замын хяналт шалгалтаар алба хаагчид нийт 8,000 гаруй тээврийн хэрэгсэл шалгаснаас 6,000 орчим тээврийн хэрэгсэл нь замын хөдөлгөөний дүрэм зөрчжээ.
Мөн согтууруулах ундааны зүйл хэрэглэсэн үедээ тээврийн хэрэгсэл жолоодсон 156 зөрчлийг илрүүлэн саатуулж хуулийн дагуу хариуцлага тооцсон байна.
Ослын газрыг орхиж явсан 7 осол бүртгэгдсэнээс 3-ыг нь цагдаагийн алба хаагчид шуурхай олж, шалгаж эхэлжээ. Тухайлбал,
Гарсан зам тээврийн осол, хэргийг хэлбэрээр нь авч үзвэл явган зорчигч мөргөж гэмтээсэн 11 осол, мөргөлдөх хэлбэрээр 4 осол бүртгэгдсэн нь явган зорчигч нар гарц гарамгүй хэсгээр, согтууруулах ундааны зүйл хэрэглэсэн үедээ замын хөдөлгөөнд оролцож осолд өртөж байна. Явган зорчигч мөргөж гэмтээсэн 11 ослын 5 нь согтууруулах ундааны зүйл хэрэглэсэн үедээ хөдөлгөөнд оролцжээ.
Эх сурвалж: ЗЦА