Төрийн тусгай албан хаагчдад зориулсан $50,000 өртөгтэй "Алсын зайн оношилгооны төв" нээгдлээ
БНСУ-ын Кошин их сургуулийн эмнэлэг, Төрийн тусгай албан хаагчдын нэгдсэн эмнэлгийн (ТТАХНЭ) хамтын ажиллагааны хүрээнд байгуулсан Телемедициний төв буюу Алсын зайн оношилгооны төв өнөөдөр нээлтээ хийлээ.
"Манай эмнэлгийн бүх тоног төхөөрөмжүүд шинэчлэгдэж байна"
ТТАХНЭмнэлэгийн захирал, хурандаа Л.Баттөр "Манай эмнэлгийн бүх тоног төхөөрөмжүүд шинэчлэгдэж байна. Телемедициний төвийг улсын нэгдүгээр төвөөс эхлээд эрүүл мэндийн салбарт нэлээд их нэвтэрсэн. Харин манай төрийн тусгай албан хаагчдын нэгдсэн эмнэлэг анх удаа энэ төвийг байгуулж байна. Телемедициний төв гэдгийг алсын зайн оношилгооны төв гэж ойлгох хэрэгтэй.
Зөвхөн дүрсээ хараад ярилцах биш маш олон шинжилгээ, оношилгооны мэдээлэлээ шууд дамжуулж тухайн өвчтөний мэдээллийг харилцан солилцох боломжийг бий болгоно гэсэн үг. Энэ төв байгуулагдсанаар БНСУ-ын эрүүл мэндийн байгууллагуудтай шууд харилцаа холбоо тогтоох, эмч мэргэжилтнүүдийнхээ мэргэлжил мэдлэгийг дээшлүүлэх хамтарсан сургалтыг явуулах, мөн Монгол Улсад эмчилж чадахгүй байгаа өвчтөнийхөө мэдээллүүдийг харилцан солилцож ажиллаж боломжтой.
Энэ төвийг байгууллахад программ хангамжийг БНСУ-ын Бусан хотын захиргаа Кошин их сургуулийн нэгдсэн эмнэлгээс нийт 50 мянган долларын хөрөнгө оруулалт хийсэн.
Өнөөдрийн байдлаар бид БНСУ-ын Кошин их сургуудийн нэгдсэн эмнэлэгтэй холбоо тогтоож байна. Цаашдаа хууль зүйн дотоод хэргийн яамныхаа дэмжлэгээр хил хязгаарт байгаа бүхий л бүстэйгээ холбогдож болох энэ төхөөрөмжийг суулгана.
Хилийн бүсэд байгаа төрийн тусгай албан хаагчдад соёл урлагийн болон эмнэлэгийн тусламж, үйлчилгээ хамгийн хол байдаг. Тэдгээр албан хаагчдад үзэлэг хийхээр эмч нарын бүлэг явж байгаа. Долоогоос найман эмч нэг баг болон сарын хугацаатай маш хэцүү замаар тусламж үйлчилгээ үзүүлэхээр явдаг. Энэ төвийг хилийн бүсүүдээр мөн нэвтрүүлбэл цаг хугацааг хэмнэсэн, бэрхшээлийг хялбарчлах болно" гэв.
ТТАХНЭмнэлэгийн ЭМДТ-ийн нийгмийн эрүүл мэндийн мэргэжилтэн, ахлах дэслэгч Ц.Батжаргал "Манай эрүүл мэндийг дэмжих төв төрийн тусгай албан хаагчдад урьдчилан сэргийлэх үзлэг хийж, тэдний эрүүл мэндэд тохирсон бие бялдарын цогц үйлчилгээг үзүүлдэг гэдгээрээ давуу талтай. Телемедициний төв нь энд байгуулдагдсанаар маш их ач холбогдолтой.
Манайд бодисын солилцооны өөрчлөлтийг авч үздэг. Бүх халдварт бус өвчнийг суурь үзүүлэлт нь бодисын солилцооны өөрчлөлттэй холбоотой байдаг. Бид халдварт бус өвчний эрсдэлт хүчин зүйлсийг тусгасан багцуудыг нэвтрүүлэхээр зорьж ажиллаж байна" гэлээ.
Фото
Гэрэл зургийг mpa.mn
