Хэнтий аймгийн 42 дугаар тойргийн нөхөн сонгуулийн санал авах өдрийг 2018 оны аравдугаар сарын 7-ны Ням гарагт зохион байгуулах товыг УИХ-ын чуулганы өнөөдрийн хуралдаанаар баталлаа.
Нөхөн сонгуулийн зардал 228 сая төгрөгийг Засгийн газрын нөөц сангаас гаргахаар шийдвэрлэлээ.
Д.Гантулга өөрийн хүсэлтээр гишүүнээсээ чөлөөлөгдсөн тул хуулийн дагуу тус тойрогт нөхөн сонгууль явуулах учиртай.
Төрийн байгуулалтын байнгын хорооны өчигдрийн хуралдаанаар хэлэлцсэн нөхөн сонгуулийн тов болон зардлын тухай санал дүгнэлтийг УИХ-ын гишүүн Д.Тогтохсүрэн чуулганд танилцуулсан юм.