Улаанбаатар Хангарьд Ротари Клуб нь иргэдийн хог хаягдлын талаар сэтгэлгээг өөрчлөх, зөв дадалд сургах, ангилан хаях, түүнийг дахин боловсруулахын ач холбогдлыг таниулан сурталчах “Ногоон замнал” төсөл хэргжүүлж эхэлжээ.
Төслийн хүрээнд Монгол улсын багшийн их сургуульд Хог хаягдлыг дахин боловсруулах мэдлэг олгох төвийг засч тохижуулан өнөөдөр нээлтээ хийлээ.
Нээлтийн үйл ажиллагаанд Австралийн Элчин сайдын яамны нэгдүгээр нарийн бичиг ноён Shayne McKenna, Багшийн сургуулийн захирал Д.Мандах болон бусад холбогдох байгууллагын хүмүүс оролцлоо.
Нээлтийн үеэр ноён Shayne McKenna "Ногоон замнал төсөл нь хүрээлэн буй орчны хог хаягдлын болон эрүүл мэнд, байгаль орчин болон боловсролын мэдлэгийг сургалтаар түгээж буйгаараа өвөрмөц төсөл болохыг онцолсон.
Ногоон Замнал төслийн эхний шатанд Хог хаягдалыг дахин боловсруулах мэдлэг олгох төвийг Багшийн сургуулиас гадна Сонгино хайрхан дүүргийн 9 дүгээр сургуульд Австралийн Засгийн газрын Бичил төсөл хөтөлбөрийн санхүүжилтээр тохижуулсан.
Уг төвд ирснээр та Монгол улсад хог хаягдлыг дахин боловсруулдаг үйлдвэрүүдийн бараа бүтээгдэхүүнүүд болон ахуйн хог хаягдлын ашиглаж хэрэгцээтэй зүйлс хийсэн сурагч, оюутнуудын бүтээлүүдийг үзэхээс гадна хог хаягдлын чиглэлээр хамгийн сүүлийн үеийн мэдээлэлийг авч сургалтанд хамрагдах боломжтой.
Та бүхэн Ногоон Замнал төслийн талаар илүү дэлгэрэнгүй мэдээлэл авахыг хүсвэл НОГООН ЗАМНАЛ хуудсаар зочилоорой.
Нээлтийн зургуудаас: