ХУУЧИРСАН МЭДЭЭ: 2016/03/31-НД НИЙТЛЭГДСЭН
Ц.ЭЛБЭГДОРЖ: Монгол бол олдож байгаа боломжийг алдах эрхтэй ТАНСАГ орон биш
iKon.MN
МЭЗЧ 2016 Холбоотой мэдээ:
МЭЗЧ: "Сургамж, Сорилт, Шийдэл"
ФОТО: ХЭНГЭРЭГ цохиж МЭФ-ыг нээв
МЭЗЧ: Дэлхийн болон Монголын ЭДИЙН ЗАСГИЙН ТӨЛӨВ
МЭЗЧ: ХУВЬ ХҮНИЙ ёс суртахуун бол НИЙГМИЙН ёс суртахууны нэг хэсэг
Б.БАТБАЯР: ТӨР БАЛ БУРАМ ТАРААЖ БАЙГАА УЧРААС ИНГЭЖ ТӨР РҮҮ ЗҮТГЭЖ БАЙНА
МЭЗЧ: Монгол мөрөөдөл гэж юу вэ?
Гэрэл зургийг mpa.mn
Монголын Эдийн Засгийн Чуулган хоёр дахь өдрөө үргэлжилж байна. Чуулганы нээлтэд Монгол Улсын Ерөнхийлөгч Ц.Элбэгдорж үг хэлэв. Түүний хэлсэн үгнээс ОНЦЛОХ эшлэлийг хүргэж байна.
Энэ жилийн чуулганы онцлог нь дөрвөн жилд нэг болдог сонгуулийн улиралтай давхцаж байна.
90 хоногийн дараа Монгол Улсын Их Хурлын сонгуулийн дүн гарна.
Өнөөдөр ихэнх хүмүүсийн амьдрал хүнд байна. Хоногийн өл залгуулахын тулд ахмадууд маань тэтгэврийн дэвтрээ барьцаалж, хүүхэд нь өвдсөн эх халамжийн дэвтэр, төрсний гэрчилгээг нь тавиад мөнгө зээлж байна.
Хэрэв бид том төслүүдээ цаг хугацаанд нь хөдөлгөөд эргэлтэд оруулж чадсан бол иргэдийн маань амьдрал ингэж дордохгүй байсан. Бид том төслүүдээ эргэлтэд оруулах хэрэгтэй.
Хэрэв бид том төслүүдээ хөдөлгөөд явуулсан бол улс орны төсөв ийм алдагдалтай гарахгүй байсан. Бараг жил бүхэн нэг их наядын алдагдалтай гарч байгаа.
Том төслүүд хөдлөөгүйгээс болоод асар олон мянган ажилчин ажлын байраа алдаж байгаа. Том төсөл хөдөлсөн бол ингэтлээ ломбард сахиж, халамжийн дэвтрээ барьцаалахгүй байсан. Үүнийг л би Монгол хүмүүст ирж буй хохирол гэж хэлээд байгаа юм.
Яг үнэндээ орлоготой, мөнгөтэй ААН-ийн тоо гэрлийн хурдаар буурч байгаа.
Монгол бол олдож байгаа боломжийг алдах эрхтэй ТАНСАГ орон биш.
Монголын байршил хэцүү, бидний сонгож авсан зам хэцүү.
Монголд боломж олон олдоод байдаггүй юм аа. Үнэхээр өнгөрсөн жилүүдэд олдсон ганц боломжийг бид ашиглаж чадаагүй, залгиж чадаагүй, шороотой хутгасан. Одоо зарим этгээдүүд үүн дээр бүжиглэж байна.
Үнэхээр улс төрчид хариуцлагагүй байгаа.
УИХ-ын нэг гишүүн том төсөл зогсоосноороо бахархдаг гэж мэдэгдэл хийж байсан юм. Эм тарианы мөнгөгүй болоод байгаа иргэд сонгогчидоо тэр УИХ-ын гишүүн бодоогүй л юм байхдаа.
Эдийн засаг бодитой, мөнгөөр хэмжигддэг. Улс төр гэдэг бол дүр эсгэсэн хандлагаар халхавчлагдаад явж болно.
Хүндрэлд яаж орсон тэр байдлаараа л бид гарна. Хүндрэлийн шалтгааныг олох ёстой.
Би хүндрэлээс удаан хугацаанд зовлонтой замаар гарна гэж бодож байгаа. Хүндрэлээс гарах ид шидийн зам байхгүй. Хэрэв ид шидэнд хууртах юм бол дахиад бид хүнд зовлонд унана.
Нэгнийхээ амжилтад алга ташдаг байдал алга болчихоод байна. Спортын медаль авсан хүнд алга ташдаг шигээ гадны хөрөнгийн биржид хүний итгэлийг олоод мөнгө босгож байгаа тэр ААН-д бид алга таших ёстой.
Бизнест хүний итгэлийг алдчихсан хүн улс төр рүү зүтгэж байна. Бизнесийг хулгайн аргаар хийсэн хүн улс төрийг тийм л аргаар хийх гэж оролддог юм байна.
Монголчуудын энэ тамын тогооны үлгэрийг болдогсон бол ломбарданд тавьчих юмсан. Тэтгэврийн дэвтрийн оронд тэр их хорсолыг очоод ломбарданд тавья л даа.
Хүндрэлд орсон хоёр дахь гол шалтгаан бол хариуцлагын тогтолцоо Монголын улс төрд бүрдээгүй байна. Хариуцлагын тогтолцоо байхгүй даанч удлаа.
Ямар ч мөнгө зарахгүйгээр өөрсдийнхөө байгаа байдлыг сайжруулаад явах боломжтой. Хариуцлагын хууль батлах гэж гаднаас мөнгө зээлэх боломжгүй.
УИХ-ын гишүүн хууль санаачилсан нэрийн дор 20 сая төгрөг авдаг юм байна. Энэ юмнаасаа болих хэрэгтэй шүү дээ.
Монгол Улсын зээлжих зэрэглэл унасан бол түүнийг хариуцаж байгаа Засгийн газартай шууд хариуцлага тооцох ёстой.
Авлигын индекс унасан бол тэр Хууль Зүйн сайдтай шууд хариуцлага тооцдог байх ёстой.
Эдийн засгийн хувьд хүндрэлтэй олон асуудал байгаа. Үүнээс би мөнгөний асуудлыг л онцолмоор байна. Яг үнэндээ Монголын эдийн засаг мөнгөөр дутаж байна.
Санхүүгийн зах зээлээ чөлөөлөхгүйгээр Монголын төр засаг анхаарахгүйгээр энэ байдал өөрчлөгдөхгүй.
Хөрөнгийн зах зээлээ чөлөөтэй болгоё. Чи 50 мянган хүнд хувьцаагаа өгөөч дээ. Тэр хүмүүсээс орж ирсэн мөнгөөрөө бизнесээ өргөтгөе өө.
Бизнесийн даатгал, бизнесийн моргейжийг бий болгох хэрэгтэй.
Монголын зах зээл дээр санхүүгийн либералчлалыг хийх хэрэгтэй.
Өнөөдөр эмнэлэгт ор байтугай зогсох шал ч олдохгүй байна. Тэр хүүхдийн эмнэлэг барьчих байсан өчнөөн мөнгийг том төслийг зогсоож байж зогсоосон шүү дээ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
