Хууль бусаар ашигт малтмал хайх, ашиглах, олборлох хэрэгт 208 хүнийг яллагдагчаар татжээ
iKon.MN
Хууль бусаар ашигт малтмал олборлосон хэргийг шүүхээр шийдвэрлүүлсэн талаар Экологийн Цагдаагийн Албанаас мэдээллээ.
Прокурорын байгууллага энэ оны наймдугаар сарын байдлаар Эрүүгийн хуулийн 24.2 дугаар зүйлд заасан “Хууль бусаар ашигт малтмал хайх, ашиглах, олборлох” гэмт хэрэгт яллагдагчаар татагдсан 208 хүнд холбогдох 71 хэрэгт яллах дүгнэлт үйлдэж, хэргийг шүүхэд шилжүүлж шийдвэрлэжээ.
Хууль бусаар ашигт малтмал хайх, ашиглах, олборлох гэмт хэрэг нь ашигт малтмалын нөөц, тархалтын байдлаас хамаарч Өвөрхангай, Дорноговь, Говь-Алтай, Сэлэнгэ аймгийн нутаг дэвсгэрт зонхилон үйлдэгдэж байна.
Тодруулбал,
- Сэлэнгэ аймгийн прокурорын газар 14 хэрэгт,
- Говь-Алтай аймгийн прокурорын газар 13 хэрэгт,
- Өмнөговь аймгийн прокурорын газар 12 хэрэгт,
- Баянхонгор аймгийн прокурорын газар найман хэрэгт,
- Өвөрхангай аймгийн прокурорын газар долоон хэрэгт яллах дүгнэлт үйлдсэн байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
