Л.Энх-Амгалан: Хувийн сургуулиудаас шилдэг багш нарыгаа буцааж авна
Төрийн өмчийн сургуулиудад ажилладаг шилдэг багш нарыг хувийн сургуулиуд цалингаар татдаг асуудлыг Боловсролын сайд Л.Энх-Амгалан дараах байдлаар ярилаа.
Тэрбээр хэлэхдээ "Сүүлийн таван жилд ЕБС-аас сургуулийн менежмент эсвэл хамтран ажиллах нэрээр хувийн сургуулиуд хөтөлбөр хэрэгжүүлж, манай маш олон багшийг цалингаар татсан байна. Төрийн сургуулиудын олон багшийг хувийн сургуулиуд цалингаар татсан. Үүнтэй холбоотой судалгааг бид хийж байгаа.
Төрийн өмчийн сургуулиудын шилдэг багш нарыг сүүлийн гурван жилийн дотор ямар нэгэн байдлаар цалин амлаж татсан бол тэдгээр багш нарыгаа буцаана.
Тэднийг буцааж өгөхгүй бол хувийн сургуулиуд багш авсан төрийн сургуульдаа нөхөн төлбөр төлнө" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
