Нэг удаад 2-3 сая ам.доллар хилээр гаргадаг байсан бүлэглэлийг тагнуулын байгууллага илрүүлэн шалгаж байна
Зохион байгуулалттайгаар их хэмжээний валютыг Монгол Улсын хилээр тогтмол гаргадаг байсан бүлэг этгээдийг тагнуулын байгууллагаас өнгөрөгч долоо хоногт илрүүлэн шалгаж эхэлжээ.
Дээрх бүлэглэл нэг удаад 2-3 сая ам.долларыг хилээр гаргадаг байсан бөгөөд өнгөрсөн хугацаанд 700 тэрбум гаруй төгрөгтэй тэнцэх хэмжээний валютыг гадагшаа гаргасан нь тогтоогдсон байна.
Их хэмжээний валютыг бэлнээр гаргах нь манай улсын эдийн засгийн аюулгүй байдалд сөргөөр нөлөөлөхөөс гадна төгрөгийн ханш сулрахад нөлөөлсөн гэж үзэн тагнуулын байгууллагаас уг хэргийг шалгаж байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
