Хүнсний бүтээгдэхүүн үйлдвэрлэл энэ оны эхний есөн сард өмнөх жилийн мөн үеэс 15.2 хувиар өсжээ
Монгол Улсын нийгэм эдийн засгийн 2025 оны эхний есөн сарын байдлаарх үзүүлэлтүүдийг Үндэсний Статистикийн Хороо(ҮСХ)-ноос өнөөдөр танилцуулав.
Тус хорооноос өгсөн мэдээллээр манай улсын аж үйлдвэрийн салбарын нийт үйлдвэрлэл 2025 оны эхний есөн сарын урьдчилсан гүйцэтгэлээр 30.7 их наяд төгрөг болж, өмнөх оны мөн үеэс 1.2 их наяд төгрөг буюу 3.6 хувиар буурчээ. Энэхүү бууралтад уул уурхайн олборлолтын салбарын нийт үйлдвэрлэл 2.1 их наяд төгрөг буюу 8.4 хувиар буурсан нь голлон нөлөөлсөн байна.
Уул уурхайн олборлох салбарын үйлдвэрлэлийн бууралтад
- чулуун болон хүрэн нүүрс олборлолт 5 их наяд төгрөг буюу 32.3 хувь
- газрын тос олборлолт 113.9 тэрбум төгрөгөөр буюу 13.3 хувиар буурсан нь нөлөөлснийг ҮСХ-ны Мөнгө, санхүү, үйлчилгээний статистикийн хэлтсийн дарга Л.Энхбаатар танилцуулав.
Харин боловсруулах салбарын нийт үйлдвэрлэл 5.9 их наяд төгрөг болж, өмнөх оны мөн үеэс 423.1 тэрбум төгрөгөөр буюу 7.7 хувиар өсжээ.
Үүнд
- хүнсний бүтээгдэхүүн үйлдвэрлэл 249.3 тэрбум төгрөг буюу 15.2 хувиар
- ундаа үйлдвэрлэл 109.2 тэрбум төгрөг буюу 12.1 хувиар өссөн нь нөлөөлжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
