Таван шарын нүхэн гарцын гармын хойд хэсгийн авто замыг энэ долоо хоногийн Баасан гарагт хаана
Сонгинохайрхан дүүргийн 20 дугаар хороонд, төмөр зам доогуур Найрамдлын замыг товчооны замтай холбох, төмөр замын 396 км, ПК9-36 3в авто замын нэгдүгээр нүхэн гарц буюу Таван шарын нүхэн гарцын гармын хойд хэсгийн авто замын засвар шинэчлэлийн ажил энэ долоо хоногийн Баасан гарагаас эхэлнэ.
Тодруулбал наймдугаар сарын 15-ны 22:00 цагаас есдүгээр сарын 3-ны 22:00 цаг хүртэл 19 хоногийн хугацаанд авто замыг хэсэгчлэн хааж, хөдөлгөөнийг хязгаарлана.
Ажил гүйцэтгэх хугацаанд тус чиглэлд зорчих жолооч, зорчигчид ачаалал багатай өөр маршрутыг сонгохыг зөвлөж байна гэж НЗДТГ-ынн хэвлэлийн хэлтсээс мэдээллээ.
БНХАУ-ын ЭКСИМ банкны хөнгөлөлттэй зээлээр 2024 онд баригдсан уг нүхэн гарцын зам нь төмөр замын хөдөлгөөнтэй давхцахгүй болсноор 32,000 гаруй тээврийн хэрэгсэл зорчдог болжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
