ФОТО: Таван шарын төмөр замын доогуурх нүхэн гарцын авто замын хөдөлгөөнийг нээлээ
Таван шарын төмөр замын доогуурх нүхэн гарцын авто замын хөдөлгөөнийг өнөөдөр нээлээ.
Улаанбаатар хотын түгжрэлийг бууруулах зорилготой уг төсөл нь БНХАУ-ын ЭКСИМ банкны хөнгөлөлттэй зээлээр хэрэгжиж байгаа юм.
Хотын дарга Х.Нямбаатар "Яг энэ гарам дээр хоногт дунджаар гурван цаг галт тэрэг үлдсэн 21 цагт нь 27,000 орчим тээврийн хэрэгсэл явдаг. Төмөр замын хөдөлгөөнтэй давхцахгүй болсноор 30,000 тээврийн хэрэгсэл чөлөөтэй зорчих нөхцөл бүрдэх юм" гэв.
160 метр урт, таван метр өндөртэй уг нүхэн гарцаар хоногт 32,500 автомашин зорчиж, авто замын нэвтрүүлэх чадвар 22.9 хувиар нэмэгдэх аж.
Өмнө нь энэ гармаар нэг автомашин нэвтрэхэд хоёр орчим минут болдог байсан бол одоо 30 секунд болж байна гэдгийг мэргэжилтэн онцлов.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
