ХУУЧИРСАН МЭДЭЭ: 2025/06/23-НД НИЙТЛЭГДСЭН
Увсын Малчин, Ховдын Чандмань, Баянхонгорын Гурванбулаг суманд царцааны хэт олшролттой байна
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Үлийн цагаан оготно болон царцааны ажиглалтын тоймыг Цаг уур, орчны шинжилгээний газраас мэдээллээ.
Царцааны тархалт, нягтшилын 1х1 метр талбайн 2025 оны зургаадугаар сарын 20-ны мэдээгээр ихэнх нутгаар сибирийн царцаа, бараан далавчит царцаахай ажиглагдсан ба Увсын Малчин, Ховдын Чандмань, Баянхонгорын Гурванбулаг суманд царцааны хэт олшролттой байгаа юм байна.
Бэлчээрийн хөнөөлт мэрэгчдийн мэдээгээр үлийн цагаан оготнотой нүхний тоо 0.25 га талбайд:
- Хөвсгөлийн Цагаан-Уул, Цэцэглэг, Булганы Могод, Хэнтийн Галшарт 100-аас их,
- Завхан, Баянхонгор, Хөвсгөл, Архангай, Булган, Дундговь, Өвөрхангай, Сэлэнгэ, Төв, Хэнтий, Дорнод, Сүхбаатар аймгуудын зарим нутгаар 20-100, бусад нутгаар 0-20 байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
