Нийслэл хотод нийтийн эзэмшлийн талбайгаас 1,207 ТҮЦ-ийг нүүлгэжээ
Нийслэл хотод өнөөдрийн байдлаар 33 байршилд 325 гарааш чөлөөлсөн бол 17 байршилд 933 метр хашааг буулгажээ.
Төвийн зургаан дүүргийн хэмжээнд 1,207 ТҮЦ-ийн нүүлгэж, нийтийн эзэмшлийн гудамж, талбай, явган хүний замыг чөлөөлсөн байна.
Одоо дүүргүүдийн нутаг дэвсгэрт барилгын суурийн нүх ухсан байршлуудын судалгааг гаргаж, цэгцлэх, нийтийн эзэмшлийн гудамж, зам талбайн гэрлийн болон бусад шон дээгүүр татсан кабель утас, өнгө үзэмжгүй самбар зэргийг буулгах ажлыг зохион байгуулахаар болжээ.
Түүнчлэн авто замын тэмдэг, тэмдэглэгээг шинэчлэх, засварлах, шинээр байршуулах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
