"Бага тойруу орчимд жолооч авто зогсоол хайсаар 26 минутыг зарцуулдаг байна"
Нийслэлийн төвийн зургаан дүүрэгт нийт 1,801 байршилд 113,356 автомашины зогсоолтой. Зогсоолын эрэлт Бага тойрууд хамгийн өндөр байдаг бөгөөд нэг жолооч зогсоол хайхдаа 26 минутыг зарцуулдаг гэсэн судалгаа гарчээ.
Улаанбаатар хотын хэмжээнд орон сууцанд амьдарч буй айл өрхүүд нийт 199,676 тээврийн хэрэгсэлтэй.
Харин орон сууцны хорооллууд нь нийт 80,000 зогсоолтой бөгөөд хүртээмж 40.1 хувьтай бөгөөд хүртээмжийг нэмэгдүүлэхэд 119,676 зогсоол шаардлагатай аж.
Нийслэлийн 90 байршилд гаднын франчайз үйлчилгээтэй, авто зогсоол барихаар төлөвлөж байгаа бөгөөд ингэснээр зогсоолын тоо 68,908-аар нэмэгдэж одоо байгаа зогсоолын хүртээмжийг 75 хувьд хүргэнэ гэж тооцоолсныг нийслэлийн Ерөнхий архитектор Ч.Төгсдэлгэр танилцуулав.
Харин авто зогсоол ашиглалтын талаар “06:00-20:00 цагийн хооронд автомашины зогсоолын ашиглалтын түвшин, зогсоолоор үйлчлүүлэх хэв шинжийг ялган судалсан бөгөөд эрэлт нь зогсоолоор үйлчлүүлэх зорилгоос хамааран харилцан адилгүй байна.
Өдрийн цагаар оффис орчимд, шөнийн цагаар оршин суугч ихтэй орон сууцны бүсэд, холимог зориулалттай бүсүүдэд бүх цагт автомашины зогсоолын эрэлт өндөр байна” гэлээ.
Хан-Уул дүүргийн нутаг дэвсгэр 120 мянгат орчимд далд зогсоол барих бөгөөд нийт 7,000 орчим зогсоолтой байхаар төлөвлөжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
27 СЭТГЭГДЭЛТЭЙ
|
