• 1 сарын 3, Баасан
|
Уншиж байна ...
Зураг
Зураг

"БНХАУ-ын агаарын тээврийн компаниар үйлчлүүлэхдээ электрон тамхи татвал 10,000 хүртэлх юаниар торгох хуулийн заалттай"

Г.Мөрөн, iKon.mn
2024 оны 12 сарын 31
iKon.MN
Зураг зураг

Монгол Улсын иргэд сүүлийн үед БНХАУ-ын агаарын тээврийн компаниар зорчих үедээ онгоцны бүхээгт цахилгаан тамхи татах тохиолдол гарч байгаатай холбогдуулан Монгол Улсаас БНХАУ-д суугаа Элчин сайдын яамнаас дараах сэрэмжлүүлгийг хүргүүлж байна.

Онгоцны бүхээгт тамхи болон цахилгаан тамхи зэргийг татсан тохиолдолд:

БНХАУ-ын "Хэв журам сахиулах, шийтгэл оногдуулах тухай хууль"-ийн холбогдох заалтын дагуу 10,000 хүртэлх юаниар торгох, 7-10 хоногийн хугацаанд саатуулах, хүндэвтэр гэж үзсэн тохиолдолд эрүүгийн хэрэг үүсгэн шалгах хуулийн зохицуулалттай байдаг болно.

Иймд БНХАУ-д зорчих болон тус улсаар дамжин гадаад улс руу зорчиж байгаа Монгол Улсын иргэд БНХАУ-ын холбогдох хууль, журмыг хүндэтгэж аялахыг хүсье.

 

Эх сурвалж: "Чингис хаан" олон улсын нисэх онгоцны буудал