Томуу, томуу төст өвчин нь энгийн ханиад биш. Зүрхний булчингийн үрэвсэл, зүрх, тархины цусан хангамжийн алдагдал зэргээр хүндэрдэг
Халдварт Өвчин Судлалын Үндэсний Төв (ХӨСҮТ)-өөс томуу ба томуу төст өвчний нөхцөл байдлын талаар өнөөдөр мэдээлэл хийлээ.
Томуу, томуу төст өвчин нь энгийн ханиад биш. Уг өвчнөөс урьдчилж вакцин хийлгүүлэх, маскаа зүүх, гараа тогтмол угаах, дулаан хувцаслаж, хүүхдээ зөв арчлах, амаа зайлах зэргээр сэргийлж болно гэдгийг эмч зөвлөлөө.
10 дугаар сарын сүүл 3 дугаар сарын эхэн үе хүртэл томуу, томуу төст өвчний улирал үргэлжилдэг аж. Уг өвчин дараах байдлаар хүндэрдгийг эмч сануулав.
- Хамар дайвар, дунд чихний үрэвслийн үед тус хэсгүүдэд хавагнаж, улайдаг. Хүүхэд тайван бус уйлагнасан, цочромтгой болдог. Бүлээн шингэн хангалттай сайн уулгах хэрэгтэй. Эмчийнхээ зөвлөгөөг маш сайн тогтоож авах хэрэгтэй.
- Ларингитын үед хүүхэд хуцуулж ханиалгадаг. Үүр шөнөөр цагаан мөгөөрсөн хоолой дээр юм дарчихсан юм шиг амьсгал бачуурдаг. Хүүхдийн дууны өнгө өөрчлөгдөж, амьсгал авахад төвөгтэй болж амьсгал нь шуугьдаг. Иймд ямар зовуурьтай байгаа, шинж тэмдгээ эмчдээ маш сайн хэлж эмчийн заавраар утлага хийх хэрэгтэй.
- Уушгины хатгалгаагаар хүндэрнэ. Олон төрлийн хатгалгаагаар хүндэрдэг.
- Зүрхний булчингийн үрэвслээр хүндэрдэг. Маш хүчтэй өвдөлт өгдөг.
- Зүрх, тархины цусан хангамжийн алдагдал хэлбэрээр хүндэрдэг. Энэ үед хүүхэд унтаарсан байдалд орохоос гадна ухаан алдаж, комын байдалд орж таталтын шинж тэмдгүүд илэрдэг.
- Уушги, зүрх, тархи, хөлийн артер, венийн судсанд бүлэн үүсдэг.
- Олон эрхтний дутагдал үүснэ. Уушги, зүрх, бөөр гэх мэт эрхтнүүдийн дутагдал үүсэж олон тоног төхөөрөмжийн дэмжлэг авах хэмжээний хүндрэлүүд үүсдэг.
10-12 дугаар сард 10-14 насныхан маш богино хугацаанд уушгины хатгалгаагаар хүндэрч эмнэлэгт хандсан байна. Томуугийн үед маш өндөр халуурч, халуун нь удаан буудаг аж.
Томуу, томуу төст өвчний дэгдэлтийн үед хамгийн гол зүйл нь эцэг эх, асран хамгаалагчид маскаа зүүх, гэртээ орж ирээд гараа угааж, хоолойгоо зайлах хэрэгтэйг эмч зөвлөлөө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
