"The MongolZ" Германы "Mouz" багийг нэмэлт үед хожсоноор дэлхийн аваргын "Elimination" шатыг тэргүүлж эхэллээ
18:37 2024/12/05
"The MongolZ" Шанхайн дэлхийн аваргын "Elimination Stage"-ийн хоёр дахь тоглолтоо Германы "Mouz" багийн эсрэг "Во1" (нэг "map"-аар ялагчийг тодруулах) журмаар хийж, 16:13-ээр хожлоо.
Тус тоглолт "Mirage map" дээр явагдсан бөгөөд манай баг довтлох талаасаа эхний дөрвөн үеийг алдсан ч 7:5-аар байраа сольсон. Үргэлжлүүлэн хамгаалах талаасаа долоон үе алдсанаар нэмэлт үе гаргаж, 16:13-аар ялалт байгууллаа.
Ийнхүү "The MongolZ" баг дэлхийн аваргын хоёр дахь шатанд 2:0 гэсэн амжилттай болж, "Playoff" руу дэвших тоглолтыг маргааш "Во3" (гурван "map"-аар ялагчийг тодруулах) журмаар хийхээр болж байна.
Мөн тэд энэ шатанд өрсөлдөгчөө хоёр удаа хожсон Азийн анхны баг болж байгаа бөлгөө. Хэрэв "Playoff" шат руу дэвшиж чадвал Азийн Counter Strike-2 тоглоомын түүхэнд дахин нэг шинэ хуудас нээх юм. Түүнчлэн манай баг сүүлийн 12 тоглолтдоо ялагдаагүй явж байна.
10:54 2024/12/05
Counter Strike-2 (CS2) тоглоомын энэ оны хоёр дахь Дэлхийн Аварга Шалгаруулах Тэмцээн (ДАШТ) буюу "Perfect World Shanghai Major 2024" Хятадын Шанхай хотод зохион байгуулагдаж байгаа билээ.
Манай улсын "The MongolZ" баг дэлхийн аваргын хоёр дахь шатны эхний тоглолтоо Европын "G2 Esports" багийн эсрэг "Во1" (нэг "map"-аар ялагчийг тодруулах) журмаар хийж, 13:10-аар ялалт байгууллаа. Ийнхүү "Elimination Stage"-д 1:0 гэсэн оноотой болж, хүснэгтийг тэргүүлж эхэллээ.
Энэ тоглолт "Inferno map" дээр явагдсан бөгөөд манай улсын баг довтлох талаасаа 8:4-өөр байраа сольсон. Улмаар хамгаалах талаасаа сайн тоглож, таван үеийг авсан юм.
Тэдний дараагийн тоглолт өнөөдөр үдээс хойш зохион байгуулагдана. Хэрэв тухайн тоглолтод хожвол "Elimination Stage"-д 2:0 гэсэн амжилттай болж, "Playoff" шат руу дэвших тоглолтыг маргааш "Во3" (гурван "map"-аар ялагчийг тодруулах) журмаар хийнэ.
Харин Шанхайд болж буй дэлхийн аваргын хоёр дахь шатанд хожил байгуулж чадсанаар тэдний хувьд амжилтаа ахиулж байгаа юм. Европын "G2 Esports" баг нь дэлхийн чансааны хоёрдугаар байрт бичигддэг бөгөөд Counter Strike-2 тоглоомын томоохон багуудын нэг.
18:37 2024/12/05
"The MongolZ" Шанхайн дэлхийн аваргын "Elimination Stage"-ийн хоёр дахь тоглолтоо Германы "Mouz" багийн эсрэг "Во1" (нэг "map"-аар ялагчийг тодруулах) журмаар хийж, 16:13-ээр хожлоо.
Тус тоглолт "Mirage map" дээр явагдсан бөгөөд манай баг довтлох талаасаа эхний дөрвөн үеийг алдсан ч 7:5-аар байраа сольсон. Үргэлжлүүлэн хамгаалах талаасаа долоон үе алдсанаар нэмэлт үе гаргаж, 16:13-аар ялалт байгууллаа.
Ийнхүү "The MongolZ" баг дэлхийн аваргын хоёр дахь шатанд 2:0 гэсэн амжилттай болж, "Playoff" руу дэвших тоглолтыг маргааш "Во3" (гурван "map"-аар ялагчийг тодруулах) журмаар хийхээр болж байна.
Мөн тэд энэ шатанд өрсөлдөгчөө хоёр удаа хожсон Азийн анхны баг болж байгаа бөлгөө. Хэрэв "Playoff" шат руу дэвшиж чадвал Азийн Counter Strike-2 тоглоомын түүхэнд дахин нэг шинэ хуудас нээх юм. Түүнчлэн манай баг сүүлийн 12 тоглолтдоо ялагдаагүй явж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
64 СЭТГЭГДЭЛТЭЙ
|
