“Монгол ТВ” телевиз Азийн телевизийн наадмаас 5 дахь удаагаа шагнал хүртлээ

29 дэх удаагийн Азийн телевизийн наадмаас “Монгол ТВ” телевизийн “The Voice kids” шоу нэвтрүүлэг “Шилдэг нутагшуулсан шоу” номинацад тэргүүлж, цом хүртлээ. Энэ нь Монгол ТВ телевизийн бүтээл Азийн телевизийн наадмаас хүртэж буй 5 дахь удаагийн шагнал болж байна. Шагналыг 11-р сарын 29-ны өдөр ёслолын арга хэмжээгээр гардуулжээ.

"Asian Television Awards" наадмыг 1996 оноос эхлэн жил бүр зохион байгуулж дэлхийн 200 гаруй телевиз өөрсдийн бүтээлээ сойдог байна. Манай улсаас анх удаа 2019 онд “Монгол ТВ” телевизийн "The Voice of Mongolia" шоу нэвтрүүлэг "Азийн шилдэг энтертайнмент нэвтрүүлэг", "Азийн шилдэг нутагшуулсан шоу" гэсэн номинацад тэргүүлж, цом хүртэж байсан. Үүний дараагаар буюу 2020 онд дахин "The Voice of Mongolia" шоу нэвтрүүлгээрээ “Шилдэг хөгжмийн нэвтрүүлэг” номинацын шагнал, “Ододтой бүжиглэе” шоу нэвтрүүлгээрээ "Азийн шилдэг нутагшуулсан шоу" номинацыг тэргүүлж байсан юм. Ийнхүү гурван жил өртөөлөн 29 дэх удаагийн Азийн телевизийн наадмаас 5 дахь удаагийн шагналаа гардан авлаа.

Азийн телевизийн салбарын шилдгүүд "Asian Television Awards"-ын нээлттэй шалгаруулалтад оролцдог бөгөөд тивийн өнцөг булан бүрээс сонгогдсон 60 шүүгч тэдгээрээс сонгон, нэр дэвшүүлж, улмаар шилдгүүдийг тодруулдаг. Наадмын шилдгүүдийн шалгаруулалтад мөн Олон улсын аудитын "PWC" агентлаг хяналт тавин ажилладаг.  Ийм өндөр шалгууртай наадамд товчхондоо бол нэр дэвших нь өөрөө нэр төрийн хэрэг байдаг билээ. 

“Монгол ТВ” телевиз 2025 онд Азийн телевизийн наадмаас шагнал авсан “Ододтой бүжиглэе” шоу нэвтрүүлгийн шинэ дугаараар үзэгчдэдээ бэлэг барихаар болжээ.