Төв шуудангийн уулзвараас Энхтайваны гүүр чиглэлийн замын хөдөлгөөнийг хаажээ

Сүхбаатар дүүргийн нэгдүгээр хороо, Чингисийн өргөн чөлөө, Улсын Драмын Эрдмийн Театраас Багшийн дээд хүртэлх дулааны шугам сүлжээг шинэчлэх ажил энэ сарын 16-наас эхлээд буй.

Засварын ажилтай холбогдуулан Төв шуудангийн уулзвараас Энхтайваны гүүр чиглэлийн буюу Хүүхдийн ордны уулзвар хүртэлх замын хөдөлгөөнийг өнөөдөр 06:00 цагаас хаажээ.

Дулааны шугамын шинэчлэлийн ажлыг гүйцэтгэгч "Рутан" ХХК-ийн инженерийн хэлж буйгаар гурав хоногт багтаан уг хэсгийн шугамыг сольж дуусгах юм байна. 

 

 

 

 

 

Драмын театрын үүднээс Багшийн дээд хүртэлх дулааны шугам 300-гийнх байсныг 500, усныхыг 400-500-гийн шугам болгож, хонгилын системд оруулах бөгөөд шинэчлэлийн ажлыг есдүгээр сарын 1-н гэхэд дуусгахаар төлөвлөжээ.

Нийслэлийн дулааны зарим шугам 60-аад жил болсон учир сольж байгааг албаныхан мэдээлж байв.