Ш.Гэрэлт-Од: ШТС-ын барилгыг буулгах зардлыг шийдэж өгсөн
ХУД-ийн гуравдугаар хорооны нутаг дэвсгэрт байрлах Шунхлай ШТС-ын үндсэн барилгыг өнөөдөр нурааж эхэллээ.
Энэ үеэр "Шунхлай групп" ХХК-ийн техник, технологи хариуцсан захирал Ш.Гэрэлт-Од "Наймдугаар сард Шунхлай ШТС-ын үндсэн барилгыг буулгах шийдвэрийг хүлээн зөвшөөрч байсан. Гэхдээ тохиролцох болон шүүхийн шийдвэрийг хүлээхэд хугацаа орлоо.
Хотын удирдлагууд компанийн удирдлагууд харилцан тохиролцож, гэрээ байгуулсан гэж байгаа тул колонкийн барилгыг буулгахад бэлэн болсон гэсэн үг.
ШТС-ын барилгыг буулгах зардлыг олгож байгаа. Энэ хүрээнд ажлаа хийх ёстой. Нөхөн төлбөрийн асуудал байгаа эсэхийг мэдэхгүй.
Өмнө нь хэлэлцэж байхад дүйцэхүйц хэмжээний өөр газар олгож болно гэсэн хувилбар яригдаж байсан. Одоогоор бидэнд өөр бэлэн газар байхгүй.
ШТС барьсан газар нь нийслэлийн Засаг даргын захирамжтай. Объектыг барьж байгуулсан зардлыг одоогийн үнээр тооцвол өндөр тоо гарна. Үер усны аюул эрсдэл байгаа учраас объектыг буулгахгүй бол үүнээс илүү эрсдэл гарна гэж үзэж байгаа" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
14 СЭТГЭГДЭЛТЭЙ
|
