"Сайн ажилласан багш гүйцэтгэлээ үнэлүүлж ₮2.5 сая авах боломжтой"
БШУЯ-наас өнөөдөр Багшийн цалин, нийгмийн баталгаа, төсвийн тодотгол болон засгийн газрын тогтоолын дараах үр нөлөөний талаар мэдээлэл хийлээ.
Боловсролын ерөнхий газрын дарга Т.Ням-Очир "БШУЯ-ны сайд өнгөрсөн долоо хоногт хийсэн мэдэгдэлдээ "Засгийн газрын есдүгээр сарын 1-ний өдрийн тогтоолоор гүйцэтгэлийн үнэлгээгээр нэгдүгээр түвшинд үнэлэгдсэн багшийг 50 хувийн урамшуулал авах боломжийг нээлээ. Ингэснээр 50 хувийн урамшуулал авсан багш нь 2.5 сая төгрөгийн цалин авах боломж нь бий болж байгаа юм" гэж хэлсэн. Өөрөөр хэлбэл хамгийн сайн ажилласан багшийн цалин өндөр байх боломжийг бүрдүүлсэн болохоос биш багш нарын дундаж цалин 2.5 сая төгрөг боллоо гэж хэлээгүй юм" гэлээ.
Үргэлжлүүлэн тэрбээр багшийн гүйцэтгэлийн үнэлгээний талаар дараах мэдээллийг өглөө.
Сургуулийн өмнөх боловсрол болон Ерөнхий боловсролын сургууль өмнө нь тогтмол зардал, хувьсах зардал гэсэн хоёрхон бүтэцтэй байсан бол багш нарын цалин хөлсийг шийдэх асуудлын хүрээнд гүйцэтгэл, үр дүнгийн санхүүжилт буюу урамшуулал гэсэн шинэ бүтэцтэй болжээ.
Багш нарын үндсэн цалин /Засгийн газрын 2023 оны 241 дүгээр тогтоолоор/
ЕБС-ийн багш- 1,273,000 төгрөг
СӨБ-ийн багш- 1,337,000 төгрөг байгаа юм байна.
Цалингийн нэмэгдэл
Мэргэжлийн зэрэг- Зөвлөх 20%, Тэргүүлэх 15%, Заах аргач 10%
Докторын зэрэг- 20%
Орон нутгийн- Аймгийн төв 8%, Сумын төв 10%
Ур чадвар- 5-25%
Төрийн алба хаасан- Ажилласан жил тутамд 1%
Цэцэрлэгийн багш
ЗАН удирдсан 5%
Сургуулийн багш
Анги даасан 10%
ЗАН удирдсан 5%
Кабинет лаборатори хариуцсан 5%
Илүү цаг /Үндсэн цалин, нэмэгдэл*1,5/
Бусад нэмэлт чиг үүрэг
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
