ХУУЧИРСАН МЭДЭЭ: 2021/11/22-НД НИЙТЛЭГДСЭН
Нийслэлийн 18-аас дээш насны иргэдийн 27.3 хувь нь дархлаа сэргээх нэмэлт тунг хийлгэжээ
iKon.MN
Гэрэл зургийг mpa.mn
Нийслэлийн хэмжээнд өчигдөр 1,719 хүн коронавируст халдварын эсрэг вакцинжуулалтад хамрагдсан тухай УОК-ын Нэгдсэн шуурхай штабаас мэдээллээ.
Дээрх иргэдийн
- 25 нь I тунд,
- 43 нь II тунд хамрагдсан бол
- 1,651 нь нэмэлт сэргээх тунг хийлгэжээ.
Ингэснээр вакцинжуулалт эхэлснээс хойш нийслэлийн нийт хүн амын I тунгийн хамралт 74.8 хувь, II тунгийн хамралт 71.3 хувь, нэмэлт тунгийн хамрагдалт 27.3 хувьтай боллоо.
Мөн зорилтот бүлгийн буюу 2,966 жирэмсэн эх, 12-15 насны 67,860, 16-17 насны 26,686 хүүхэд тус тус дархлаажуулалтын бүрэн тунд хамрагдсан байна. Энэ нь нийслэлийн 12-15 насны хүүхдүүдийн 76.3 хувь, 16-17 насныхны 78.7 хувь нь уг вакцины бүрэн тунд хамрагдсан гэсэн үг юм.
