2021/10/22
Америк доллар
МОНГОЛ БАНК:
2,848.97₮
B30
УЛААНБААТАР
10°
|
-5°
B30
УЛААНБААТАР
10°
|
-3°
B30
УЛААНБААТАР
|
-3°
12:00
S32
13:00
S30
14:00
S30
15:00
S30
16:00
S30
17:00
S30
18:00
S29
19:00
S29
20:00
S29
21:00
S29
22:00
S29
23:00
S29
-1°

Г.Ёндон: Энэ онд багтаан ган боловсруулах үйлдвэрийн бүтээн байгуулалтыг эхлүүлэхээр төлөвлөж байна

А.Төгөлдөр, iKon.mn
2021 оны 10 сарын 14
iKon.MN
Зураг
Гэрэл зургийг mpa.mn

Монгол Улсын 2022 оны төсвийн тухай хуулийг УИХ-ын чуулганы нэгдсэн хуралдаанаар хэлэлцэж эхлээд байна. Ирэх оны төсөвтэй холбогдуулан гишүүд асуулт асууж, хариулт авч байна.

УИХ-ын гишүүн Д.Тогтосүрэн: Төмрийн болон зэс хайлуулах үйлдвэр барина гэж байнга ярьж байгаа. 2022 онд энэ хоёр үйлдвэрийг барих чиглэлд ямар зорилт тавьж байна вэ. Энэ ажлыг шуурхайлах шаардлагатай байна. Ирэх 10 жилд зэсийн хэрэглээ огцом нэмэгдэнэ гэсэн судалгаа бий. Гэтэл бид зэсээ түүхийгээр нь гаргаад байна.

Уул уурхай, хүнд үйлдвэрийн сайд Г.Ёндон: Уул уурхайн салбар хайгуул, олборлолт дээр дараагийн гурван циклийг нэмэх бодлого баримталж байгаа. Тэр нь юу гэхээр олборлосон зүйлээ боловсруулна, боловсруулнаа борлуулна, хуваарилна.

Газрын тос, нүүрс, зэсийн баяжмал, гангийн үйлдвэрлэл гэсэн экспортод гаргадаг дөрвөн чиглэлд боловсруулах үйлдвэр байгуулж, нэмүү өртөг шингээн, ажлын байр болон төсөвт төвлөрүүлдэг хөрөнгийг нэмэгдүүлэх бодлого баримталж байгаа.

Зэсийн баяжмал боловсруулах үйлдвэрийн тухайд Эрдэнэтийн үйлдвэр технологийн паркийн тусгай зөвшөөрлийг Эрдэнэт үйлдвэрт өнгөрсөн тавдугаар сард олгосон. Үйлдвэр технологийн паркийн хүрээнд зэсийн баяжмал боловсруулах үйлдвэр, катодын зэсийн үйлдвэр баригдана. Зэсийн баяжмал боловсруулах үйлдвэр нь 99.99%-ийн агуулгатай 120 мянган тонн катодын зэс үйлдвэрлэнэ. Исэлдсэн хүдрээс уусган баяжуулах технологиор 10 мянган тонн катодын зэс үйлдвэрлэх боломжтой. 2022 онд аль алийнх нь ажил эхлэх ёстой.

Ган боловсруулах үйлдвэр байгуулах тухай асуудал Засгийн газрын үйл ажиллагааны чиглэлд тусгагдсан. Сая есдүгээр сарын сүүлчээр гангийн үйлдвэрийн шинэчилсэн ТЭЗҮ батлагдсан. Энэ онд багтаан Дарханы төмөрлөгийн үйлдвэрийг түшиглээд энэ чиглэлийн бүтээн байгуулалтыг эхлүүлэхээр төлөвлөж байна.

Үүний зэрэгцээ Дорноговь аймгийн Алтанширээ суманд гангийн үйлдвэрийн суурь тавигдсан байгаа. Мөн нойтон баяжуулах үйлдвэр баригдсан. Тус үйлдвэрт “Болд төмөр Ерөө гол” -оос тээвэрлэж аваачсан хүдрийг боловсруулдаг.

Дорноговь аймагт нэг сая тонн ган бүтээгдэхүүн үйлдвэрлэх хүчин чадалтай үйлдвэрийн суурь тавигдаж байгаа. Мөн Дарханд 375 тонн хар төмөрлөгийн бүтээгдэхүүн үйлдвэрлэх хүчин чадалтай үйлдвэрийн бүтээн байгуулалтын ажил эхлэх гэж байна" гэлээ.  

x