Гадаадын иргэн, харьяатын газраас гадаадын иргэн, түүнийг уригч иргэн, аж ахуйн нэгж, байгууллагуудад зориулсан “E-Immigration” гар утасны аппликэйшний андройд хувилбарыг хэрэглээнд нэвтрүүлжээ.
Тус аппликэйшнийг ашиглан гадаадын иргэдийг бүртгүүлэх, Гадаадын иргэн, харьяатын газрын үйл ажиллагаатай холбоотой сүүлийн үеийн шинэ мэдээ, мэдээлэл авах боломжтой юм.
Уг аппликэйшн нь англи, орос, хятад, солонгос гэсэн 4 хэлний сонголттойгоор бүтээгдсэн гэж тус газраас мэдээллээ.