PIZZA HUT брэндийн хамт олон дэлхийн шилдгүүдтэй өрсөлдөх эрхийн эзэд боллоо
PIZZA HUT брэндийн Монгол дахь салбарын хамт олон Ази номхон далайн 16 орны дунд 7 сарын 6-8-ны өдрүүдэд онлайнаар зохион байгуулагдсан CHAMPS CHALLENGE - FAN OF THE PIZZA 2021 тэмцээнд 2-р байр эзэлж, дэлхийд өрсөлдөх эрхийн эзэд боллоо.
PIZZA HUT-н CHAMPS CHALLENGE фестиваль нь жил бүр зохион байгуулагддаг бөгөөд PIZZA HUT брэндийн амтат пиццаг бэлтгэхээс эхлээд эцсийн бүтээгдэхүүн болгон хэрэглэгчийн гарт хүргэх хүртэлх үйл явцыг стандартын дагуу хурдтай хүргэх нь тэмцээний гол шалгуур юм.
Энэ тэмцээний үеэр Таван Богд Фүүдс Пицца ХХК-ийн Хан-Уул салбарын ажилтан Д.Бат-Осор Ази номхон далайн шилдэг гишүүнээр шалгарсан бол Шилдэг хөгжөөн дэмжигчийн төрөлд багаараа 1-р байр эзэлсэн юм. Тун удахгүй болох WORLD CHAMPS тэмцээнд олон улсын чанар, стандартыг Монгол Улсдаа хэрхэн баримталж ажиллаж буйгаа харуулахаас гадна Монгол орныхоо түүх, соёлыг таниулсан сонирхолтой үзүүлбэрийг бэлтгэн хүргэх юм.
Дэлхийн брэндийг эх орондоо нутагшуулж, дэлхийн амтыг монгол түмэндээ хүргэхэд үнэтэй хувь нэмэр оруулж буй PIZZA HUT брэндийн хамт олонд халуун баяр хүргэж, амжилт хүсье!
ФОТО
