ҮЙЛ ЯВДАЛ: Дүүргүүдийн "Өрсөлдөх чадварын тайлан-2021" танилцуулна

Гэрэл зургийг mpa.mn

ЭМЯ-нд 

11:00 цагт коронавирусийн халдварын талаар мэдээлнэ. 

Монгол нюьс

11:00 цагт дүүргүүдийн "Өрсөлдөх чадварын тайлан-2021" танилцуулна.

Ардчиллын өргөө 5 давхарт

11:30 цагт Ардчилсан намаас Үндэсний эмгэнэлийн өдрийг зарлуулах тухай хэвлэлийн бага хурал хийнэ. 

Хорооны байруудад

09:00-17:00 цагийн хооронд Сүхбаатар дүүргийн 16-р хороо, Баянгол дүүргийн 16-р хороо, Сонгинохайрхан дүүргийн 31 дүгээр хорооны иргэдэд "e-Mongolia"-аас төрийн үйлчилгээг цахимаар хэрхэн авах талаарх заавар, зөвлөгөө, тусламж үзүүлж ажиллана. 

Төрийн ордонд

1. УИХ дахь намын бүлгийн хуралдаан

• Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимаас цахим хэлбэрээр хуралдана;
• Улсын Их Хурал дахь Ардчилсан намын бүлгийн хуралдаан “Их Эзэн Чингис хаан" танхимаас цахим хэлбэрээр хуралдана.

2. Ажлын дэд хэсгийн хуралдаан

• Захиргааны ерөнхий хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 11.00 цагаас цахим хэлбэрээр хуралдана;
• Соёлын тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Боловсрол, соёл, шинжлэх ухаан, спортын байнгын хорооны ажлын дэд хэсгийн хуралдаан 14.00 цагаас “Үндсэн хууль” танхимд.

3. Ажлын хэсгийн хуралдаан 

• Таримал ургамлын үр, сортын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсгийн хуралдаан 13.00 цагаас “Жанжин Д.Сүхбаатар” танхимд;
• Хөдөлмөрийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлогын байнгын хорооны ажлын хэсгийн хуралдаан 14.00 цагаас “Их засаг” танхимд;
• “Монгол Улсын хөгжлийн 2022 оны төлөвлөгөө батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “Их Эзэн Чингис хаан” танхимд.