Н.Алтанхуягийн ялалтыг баталгаажуулах ҮБХ-ны хурал үргэлжилж байна
Монгол улсын Ерөнхийлөгчийн сонгуульд Ардчилсан намаас нэр дэвшигчийг тодруулах дотоод сонгуулийн санал асуулга өчигдөр буюу 2021.05.01-ний өглөөний 09:00-18:00 хооронд болсон. Тус намаас Монгол улсын Ерөнхийлөгчийн сонгуульд нэр дэвшүүлэх хүнийг сонгох намын нийт гишүүдийн анхан шатны санал асуулгад 81.06% буюу 43,994 хүний санал авсан УИХ-ын гишүүн Норовын Алтанхуягийг ҮБХ-ны хуралд хэлэлцүүлэхээр намын дарга О.Цогтгэрэл танилцууллаа.
Хуульд заасны дагуу төлөөллийн төв байгууллага болох ҮБХ-ны гишүүд нууц санал хураалтаар нэр дэвшигчийг эцэслэн тодруулах юм байна. ҮБХ-ны гишүүдийн нууц санал хураалт өглөөний 10:00 цагт эхэлж, тун удахгүй дуусах юм. ҮБХ-ны хурлын дараа Ардчилсан намын их хурлаар нэр дэвшигчийг ёсчлон баталах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
