2021/07/25
Америк доллар
МОНГОЛ БАНК:
2,849.14₮
B30
УЛААНБААТАР
25°
|
15°
B30
УЛААНБААТАР
22°
|
14°
B30
УЛААНБААТАР
23°
|
13°
16:00
S26
21°
17:00
S26
20°
18:00
S26
20°
19:00
S26
20°
20:00
S26
19°
21:00
S26
18°
22:00
S26
17°
23:00
S26
16°
00:00
S26
16°
01:00
S26
16°
02:00
S26
15°
03:00
S26
15°
Энэ мэдээ хуучирсан буюу 2021/02/14 -нд нийтлэгдсэн мэдээ болно.

Б.Жавхлан: Эдийн засгийг сэргээх 10 их наядын хөтөлбөрт бэлэн мөнгө хэвлэж тараах тухай байхгүй

Б.Бадамгарав, IKon.mn
2021 оны 2 сарын 14
iKon.MN
Зураг
Гэрэл зургийг mpa.mn

Монгол Улсын Засгийн газар өнөөдөр ээлжит бусаар хуралдлаа.

Хурлаар КОВИД-19-ийн үеийн нөхцөл байдал, Нэг хаалга-Нэг шинжилгээ болон вакцинжуулалттай холбоотой асуудал, эдийн засгийг сэргээх 10 их наядын төлөвлөгөө зэрэг асуудлыг хэлэлцсэн тухай албаны эх сурвалж мэдээлэв.

Засгийн газрын шийдвэрийг Сангийн сайд Б.Жавхлан танилцуулж байна.

Тэрбээр "Эдийн засгийг сэргээх 10 их наяд төгрөгийн төлөвлөгөөг өнөөдрийн хуралдаанаар онцгойлон хэлэлцлээ. Дэлхий нийтээрээ аюулт цар тахалтай анх удаа нүүр тулсан бөгөөд эрүүл мэнд эсвэл эдийн засгийг нэгдүгээр тавих гэх хоёр төрлөөр тэмцэж байгаа. Монгол Улсын хувьд ард иргэдийн эрүүл мэндийг эн тэргүүнд тавьж байсан бол цаашид эдийн засгийг хамтад нь авч үзэх ёстой хэмээн шийдсэн. Хэрэв энэ хэвээр нь үргэлжлүүлбэл улс орны эдийн засагт цохилт болж, эрүүл мэндийн салбараа ч санхүүжүүлж чадахгүй хэмжээнд хүрч болохыг үгүйсгэхгүй.

10 их наядын төлөвлөгөөг хоёрдугаар сарын 10-нд ерөнхий төлөвлөгөөг танилцуулсан. Цаашид салбар бүрээр нь нарийвчлан танилцуулах болно.

Мөнгөний нийлүүлэлтийн тухайд мөнгө хэвлэх гэж байна гэх мэдээлэл иргэдийг төөрөгдүүлж байна. Сүүлийн нэг жилийн хугацаанд эдийн засгийг хүний биеэр зүйрлэвэл цусны эргэлт нь үндсэндээ 60-70 хувь зогссон.

Мөнгөний нийлүүлэлт нь банкуудаар олгох зээл, төсвийн хөрөнгө оруулалт, гадаадын хөрөнгө оруулалт гэх үндсэн гурван сувгаар явдаг. 

Эдийн засгийн хэвийн өсөлттэй жилүүдэд мөнгөний эргэлт 35 хувьтай байдаг. Харин өнгөрсөн онд 15 хувь болж буурсан. Эдийн засгаа сэргээнэ гэдэг нь товчхондоо мөнгөний эргэлтийг сайжруулах юм. Банкуудад гацсан байгаа нөөц хөрөнгөөр зээл олголтыг нэмэгдүүлэх, төсвийн урсгал зардал, төсвөөр дамжин хийгдэх хөрөнгө оруулалт, гадаадын хөрөнгө оруулалтыг нэмэгдүүлэх чиглэлийг цогц хөтөлбөртөө багтаасан юм. Түүнээс биш халамжийн чиглэлээр бэлэн мөнгө тараах, урьд өмнө нь хэрэгжүүлж байсны адил алдаатай арга хэмжээ огт байхгүй.

Харин өмнө дурдсанчлан банкуудад байгаа нөөц хөрөнгийг бодит эдийн засагт ороход нь Засгийн газар хамтарч, Зээлийн батлан даалтын сан болон бусад дэд бүтцээрээ дамжуулан хүртээмжийг нэмэгдүүлэх, байж болох бүхий л хөнгөлөлт боломжуудыг гаргах, зээлийн хүүг 3-аас хэтрүүлэхгүй байх арга хэмжээг авах юм" гэв.

Шууд үзэх:
https://fb.watch/3EudIt2R9E/

 

x