Д.Нарангэрэл: Хөл хориог нэгдүгээр сарын 6-наас хойш сунгах эсэх саналыг ЭМЯ одоогоор гаргаагүй
Эрүүл мэндийн яамны ээлжит мэдээллийн цагаар сэтгүүлчид хөл хориог сунгах тухай санал гаргасан эсэхийг лавлалаа.
ЭМЯ-ны хэлтсийн дарга Д.Нарангэрэл "ЭМЯ-наас хөл хориог нэгдүгээр сарын 6-наас хойш сунгах эсэх саналыг одоогоор УОК-т гаргаагүй байгаа" гэв.
Монгол Улсын хэмжээнд COVID-19-ийн 1,137 тохиолдол батлагдаад байгаа юм. Баянзүрх дүүргийн нэгдсэн эмнэлгээр үйлчлүүлсэн иргэд нийслэлийн бүх дүүрэгт харьяалалтай байгаа тул нийслэлийн хэмжээнд томоохон дэгдэлт гарлаа гэдгийг ХӨСҮТ-өөс 2020 оны арванхоёрдугаар сарын 21-ний өдөр мэдээлсэн.
Үүнээс улбаалан тархалтын хүрээг хумих, хүн амын дунд тархалт болохоос сэргийлж, УОК, Засгийн газраас 2020 оны арванхоёрдугаар сарын 23-наас 2021 оны нэгдүгээр сарын 6-ны өдрийн 06:00 цаг хүртэл Улаанбаатар хотод гамшгаас хамгаалах бүх нийтийн бэлэн байдлын зэрэг тогтоосон билээ.
ВИДЕО:
