"ХӨСҮТ-ийн хоёр ариутгагч халдвар авсан нь батлагдаж, нийт 13 ажилтан эмчилгээ хийлгэж байна"
Улаанбаатар хотод өчигдөр шинээр илэрсэн коронавируст халдварын долоон тохиолдлын хоёр нь ХӨСҮТ-ийн ажилтан гэдгийг ХӨСҮТ-ийн Тандалт, судалгааны албаны дарга А.Амбасэлмаа хэллээ.
Тэрбээр “Халдвартай хүмүүсийн хавьтал болох 600 гаруй хүнд өчигдөр шинжилгээ хийхэд 12 хүнээс коронавирус илэрлээ. Шинээр илэрсэн тохиолдлуудаас Улаанбаатар хотод 7 нь бүртгэгдсэн.
Үүнээс Улаанбаатар хотод гарсан халдварын голомттой хавьталтай холбоотой тав хүн байгаа бол хоёр нь ХӨСҮТ-ийн хоёр ариутгагч байна.
Ингээд улсын хэмжээнд гарсан кластер өвчлөлийн голомтод нийт 386 тохиолдол бүртгэгдээд байна” хэмээн хэллээ.
Ингэснээр ХӨСҮТ-ийн 13 ажилтан коронавирусийн халдвар аваад байгаа бөгөөд бүгдийнх нь биеийн байдал сайжирч байгаа гэдгийг А.Амбасэлмаа дарга нэмж хэлэв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
