Төрийн албаны 2020 оны ерөнхий шалгалтын хуваарь гарчээ

Гэрэл зургийг Mpa.mn

Төрийн албаны ерөнхий шалгалтын хуваарь өнөөдөр гарсан байна. Ерөнхий шалгалт 2020 оны 11 дүгээр сарын 4-ний өдрөөс эхлэн нийслэл болон орон нутагт хуваарийн дагуу зохион байгуулагдана. 

Төрийн албаны ерөнхий шалгалт өгөхөөр 2020 оны 1 дүгээр сар, 10 дугаар сард цахим бүртгэлд хамрагдсан иргэд http://exam.csc.gov.mn/ сайтад өөрийн эрхээр нэвтрэн орж, баталгаажилтын хуудсаа хэвлэн авч, хуваарьтай танилцахыг зөвлөлөө. Жич: Хуваарьт өөрчлөлт оруулах боломжгүй.

Та нэвтрэх эрхээрээ орохдоо нууц үгээ мартсан бол цахим шуудан, бүртгэлтэй гар утасны дугаартаа код хүлээн авч нууц үгээ сэргээх боломжтой гэж Төрийн Албаны Зөвлөлөөс мэдээллээ.

ЕРӨНХИЙ ШАЛГАЛТЫН ЗААВАР: /Видео/