"Алтанбулагаар орж ирж буй ачааны машины жолооч нараас коронавирус илэрч байгаа нь анхаарал татаж байна"

Гэрэл зургийг Mpa.mn

Эрүүл мэндийн яамнаас коронавируст халдварын цаг үеийн асуудлаар мэдээлэл хийж байна.

ШУУД ҮЗЭХ: /2020.10.26/

Дэлхий дахинд нийт 42.5 сая хүн коронавирусийн халдвар аваад байна. Үүнээс 1.1 сая гаруй хүн эндсэн тухай ХӨСҮТ-ийн ерөнхий  захирал Д.Нямхүү хэллээ.

Түүнчлэн,

• Америкийн бүсэд нийт 19 сая гаруй тохиолдол,
• Европын бүсэд 9.2 сая гаруй тохиолдол,
• Өмнөд Азийн бүсэд 8.8 сая сая тохиолдол,
• Африкийн бүсэд 1.2 сая тохиолдол,
• Номхон далайн баруун бүсэд 700 мянга гаруй тохиолдол тус тус бүртгэгдсэн. Сүүлийн цагийн хугацаанд дэлхий дахинд 438 мянган тохиолдол шинээр бүртгэгдэж, 5,600 гаруй хүн эндсэн гэдгийг мэдээлэв.

Тэрбээр "Дэлхий дахинд коронавируст халдварын тохиолдол эргэн ихсэж байгаагийн зэрэгцээ манай улсад ч гаднаас зөөвөрлөгдөн орж ирэх тохиолдлуудын тоо нэмэгдэж буй нь ажиглагдаж байна.

Ялангуяа Алтанбулаг боомтоор орж ирж буй хүмүүс болон хүнсний бүтээгдэхүүн зөөвөрлөдөг машины жолооч нараас коронавирус илэрч байгаа нь бидний анхаарлыг татаж байна. 

Энэ нь биднийг онцгой анхаарч, сонор сэрэмжээ илүү чангатгах шаардлагатайг илэрхийлж байгаа хэрэг” хэмээн хэлсэн юм.