National Geographic Traveller сэтгүүлийн Их Британи дахь салбар жил бүр зохион байгуулдаг аялагчдын гэрэл зургийн уралдааныхаа 2020 оны шалгаруулалтад нэр дэвшсэн бүтээлүүдийг зарлажээ.
2011 оноос эхлэн шилдэг гэрэл зураг шалгаруулдаг болсон энэ уралдаан City, Landscape, Nature, People гэсэн дөрвөн төрөлд шагнал олгодог юм.
Нийт 4,500 гаруй бүтээл энэ жилийн уралдаанд ирснээс төрөл тус бүрийн шилдэг 3, нийт 12 бүтээлийг дараагийн шатанд шалгаруулжээ. People төрөлд Монгол улсын иргэн, “Алдарт Эх”-ийн хөрөг шалгарсан байна. Гэрэл зурагчин Кэй Локетын энэ бүтээлд найман хүүхдийн ээж, 22 ач зээтэй Дүгэржав гэдэг эмэгтэйг дүрсэлжээ. People төрөлд өөр хоёр бүтээл шалгарсны нэг нь Румыний зэсийн дархан, нөгөө нь Номхон далайн Маркиза арлын бүжигчний хөрөг юм байна.
Төрөл тус бүрийн шилдгийг энэ сарын 25-нд тодруулах гэнэ.
People төрөлд шалгарсан бүтээлүүд
Cities төрөлд шалгарсан бүтээлүүд
Landscape төрөлд шалгарсан бүтээлүүд
Nature төрөлд шалгарсан бүтээлүүд
Эх сурвалж: Daily Mail