Коронавирусийн халдвар авч, ХӨСҮТ-д эмчлэгдэж байсан хүмүүсээс өнөөдөр хоёр нь эдгэрч дараагийн шатны ажиглалт руу шилжсэн талаар ХӨСҮТ-ийн Тандалт, судалгааны албаны дарга А.Амбасэлмаа танилцуулсан.
Мөн тэрбээр өнөөдөр өглөө ХӨСҮТ-д тусгаарлагдаж байсан нэг жирэмсэн эмэгтэй амаржиж, хүүтэй болсон тухай мэдээлсэн юм.
А.Амбасэлмаа мэдээллийн үеэр хэлэхдээ "ХӨСҮТ-д өнөөдрийн байдлаар нийт 41 хүн тандалт, ажиглалт, эмчилгээнд тусгаарлагдаж байгаа.
ХӨСҮТ-д тусгаарлалтад байсан нэг эмэгтэй өнөөдөр буюу наймдугаар сарын 18-ны өдөр 04:00 цагт амаржиж, 1,750 грамм хүү төрүүлсэн" гэв.
Дэлхий дахинд цар тахал дэгдэж, манай улс гадаадад байгаа иргэдээ тусгай үүргийн онгоцоор авчрах болсноос хойш ХӨСҮТ-д дээрх тохиолдолтой нийлээд гурван ээж амаржаад байна.
Тодруулбал, дөрөвдүгээр сарын 30-ны өдөр Сингапураас БНСУ-аар дамжин транзит нислэгээр эх орондоо ирсэн эмэгтэй ХӨСҮТ-д амаржиж, охинтой болсон.
Мөн эмчлэгдээд эдгэрсэн нэг жирэмсэн эмэгтэй долдугаар сарын 1-ний өдөр ХӨСҮТ-д амаржиж охин төрүүлж байв.
ВИДЕО: