Хэрэглээний бараа, үйлчилгээний үнэ 2020 оны долдугаар сард улсын хэмжээнд өмнөх сараас 0.5%, өмнөх оны эцсээс 3.3%, өмнөх оны мөн үеэс 3.4%-аар өссөнийг Үндэсний статистикийн хороо танилцуулав.
Инфляц өмнөх оны мөн үеэс 3.4% өсөхөд
- хүнсний бараа, ундаа, усны бүлгийн үнэ дүнгээрээ 7.5%
- согтууруулах ундаа, тамхины бүлгийн үнэ дүнгээрээ 4.6%
- хувцас, бөс бараа, гутлын бүлгийн үнэ дүнгээрээ 4.3%
- орон сууц, ус, цахилгаан, хийн болон бусад түлшний бүлгийн үнэ дүнгээрээ 2.5%
- эм тари, эмнэлгийн үйлчилгээний бүлгийн үнэ дүнгээрээ 2.8% өссөн нь голлон нөлөөлсөн ч .
Харин инфляц өмнөх сараас 0.5% өсөхөд
- хүнсний бараа, ундаа, усны бүлгийн үнэ дүнгээрээ 1.3%-аар (мах, махан бүтээгдэхүүний дэд бүлгийн үнэ 0.1%)
- хувцас, бөс бараа, гутлын бүлгийн үнэ 0.2%
- эм тариа, эмнэлгийн үйлчилгээний бүлгийн үнэ 0.2%
- тээврийн бүлгийн үнэ 0.6 хувиар өссөн байна.
Ийнхүү сарын хугацаанд 0.5% өссөн нь сүүлийн таван жилийн долдугаар саруудаас хамгийн өндөр өсөлтөд тооцогдож байна.