2020/06/06
Америк доллар
МОНГОЛ БАНК:
2,809.64₮
B30
УЛААНБААТАР
29°
|
15°
B30
УЛААНБААТАР
17°
|
11°
B30
УЛААНБААТАР
16°
|
06:00
S30
13°
07:00
S30
14°
08:00
S30
17°
09:00
S30
19°
10:00
S30
22°
11:00
S30
24°
12:00
S32
26°
13:00
S30
28°
14:00
S30
29°
15:00
S30
29°
16:00
S26
28°
17:00
S26
26°
Энэ мэдээ хуучирсан буюу 2020/04/04 -нд нийтлэгдсэн мэдээ болно.

ДЭМБ байр сууриа огцом өөрчилж, амны хаалт зүүхийг дэмжиж эхэллээ

Э.Сэмүүн, ikon.mn
2020 оны 4 сарын 4
iKon.MN
Зураг

Коронавирусийн цар тахлын үед амны хаалт зүүх нь үр дүнгүй хэмээн өнгөрсөн хугацаанд ухуулж байсан Дэлхийн Эрүүл Мэндийн Байгууллага (ДЭМБ) өчигдөр байр сууриа огцом өөрчилж, олон нийтийн газарт явахдаа ам, хамраа хамгаалахыг хүмүүст зөвлөжээ.

Ингэхдээ эмнэлгийн зориулалттай амны хаалтыг эмч, сувилагч нарт зориулан нөөцөлж, энгийн хүмүүс даавуун болон гар хийцийн амны хаалт зүүвэл зохино гэж зөвлөсөн байна.

Коронавирусийн тархалтыг хязгаарлахад амны хаалтны ач холбогдол чухал болохыг сүүлийн үеийн хэд хэдэн судалгаа харуулж, Европ, АНУ-ын эрх баригчид амны хаалт зүүхийг ард иргэдэдээ уриалж эхлээд байгаа.

“Халдвар тээгчид амны хаалт зүүснээр бусдад халдвар тараах магадлал буурдаг гэсэн судалгааны дүгнэлтүүд гарсан. Тиймээс бид цар тахалтай тэмцэхдээ амны хаалт зүүхийг хүмүүст зөвлөж байгаа улс орнуудын бодлогыг дэмжиж байна” гэж ДЭМБ-ын эрүүл мэндийн шуурхай хөтөлбөрийн захирал Майкл Райан өчигдөр болсон хэвлэлийн хурлын үеэр мэдэгджээ.

Өмнө нь тус байгууллага зөвхөн халдвар авсан хүмүүс болон халдвартай хүнийг асарч, хамт байгаа хүмүүс амны хаалт зүүх хэрэгтэй, харин бусад эрүүл хүмүүс зүүх шаардлагагүй гэж зөвлөж байв.

Энэ нь эмнэлгийн хамгаалах хэрэгсэл дэлхий даяар дутагталтай байгаа, 

олон нийтэд амны хаалт зүүхийг уриалбал хомсдол бүр нэмэгдэнэ гэж болгоомжилж байсантай холбоотой гэлцдэг.

Коронавирусийн тахлын эхнээс амны хаалт зүүхийг халдвараас сэргийлэх чухал арга техник гэж Азийн орнууд үзэж байсан юм.

Харин өнгөрсөн долоо хоногоос Австри, Словак, Чех улсууд Европ тивд анх амны хаалт зүүхийг иргэдэдээ зөвлөж эхэлжээ.

Өчигдөр АНУ-ын засаг захиргаа мөн амны хаалт зүүхийг албан ёсоор дэмжиж, коронавирусийн халдвараас сэргийлэх зөвлөмждөө нэмэх шийдвэр гаргасан билээ.

 

Эх сурвалж: AFP

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x