БСШУСЯ-наас хичээлийн шинэ жилийг угтан “ХИЧЭЭЛ ЭХЭЛЛЭЭ” нээлттэй мэдээллийн өдөрлөгийг зохион байгуулж байна.
Өдөрлөг БСШУСЯ-ны байранд 10:00-17:00 цаг хүртэл үргэлжлэх бөгөөд энэ үеэр эцэг эх, оюутан, сурагчдад дараах зөвлөгөө, мэдээллээр үйлчлэх аж.
- Цэцэрлэгийн хүүхдийн цахим бүртгэл, мэдээлэл
- Байгууллагын цэцэрлэг байгуулах талаар зөвлөмж
- Ерөнхий боловсролын сурагчдын сурах бичиг, дүрэмт хувцас
- Ерөнхий боловсролын сурагчдын мэргэжил сонголтын талаар зөвлөмж
- Элсэлтийн ерөнхий шалгалт (ЭЕШ)-ын дүн, холбогдох мэдээлэл
- Нээлттэй даалгаврын сангийн системийн үйл ажиллагааны талаар мэдээлэл
- Багшийн мэргэжлийн тасралтгүй хөгжлийг хангах сургалтуудын мэдээлэл
- Их, дээд сургуулиудын танилцуулга, мэдээлэл
- Оюутны хөгжлийн зээл, сургалтын төлбөрийн буцалтгүй тусламжийн талаарх мэдээлэл
- Гадаадад суралцагчдад өгөх зөвлөмж, мэдээлэл
- Боловсролын магадлан итгэмжлэлийн талаарх мэдээ, мэдээлэл
- Зээлийн сантай байгуулсан гэрээний үүргээ биелүүлсэн суралцагчдын дипломын буцаан олголтын мэдээлэл
- Насан туршийн боловсролын үндсэн чиглэлийн сургалтуудын талаарх мэдээлэл
- 2019 онд баригдаж буй сургууль, цэцэрлэгийн барилгын ажил, төсөл хөтөлбөрийн мэдээлэл