2019/09/22
Америк доллар
МОНГОЛ БАНК:
2,667.91₮
B30
УЛААНБААТАР
23°
|
B30
УЛААНБААТАР
25°
|
11°
B30
УЛААНБААТАР
26°
|
11°
09:00
S32
10:00
S32
11°
11:00
S32
17°
12:00
S32
20°
13:00
S32
22°
14:00
S32
23°
15:00
S32
23°
16:00
S32
23°
17:00
S32
22°
18:00
S32
19°
19:00
S31
16°
20:00
S31
13°

Хуавэйд тавих худалдааны хоригийг АНУ-ын засгийн газар 90 хоногоор хойшлууллаа

Э.Сэмүүн, ikon.mn
2019 оны 8 сарын 20
iKon.MN

Өнгөрсөн тавдугаар сард АНУ-ын засаг захиргаа Хятадын харилцаа холбооны технологийн Хуавэй компанийг үндэсний аюулгүй байдалд аюул учруулж байна гэсэн үндэслэлээр худалдааны хоригт оруулахаар шийдсэн юм.

Ингэснээр Хуавэй компани АНУ-ын компаниудын технологийг ашиглах боломжгүй болох ажээ. Жишээ нь хоригийн дагуу Хуавэй компани гар утсандаа Google-ийн Андроид системийг ашиглах боломжгүй болох байв.

Гэхдээ тус компанийн бүтээгдэхүүнүүдийг хэрэглэдэг хүмүүсийн эрх ашгийг хамгаалах, Хуавэйд шилжилт хийх боломж олгох үүднээс хоригийн хэрэгжилтийг 90 хоногийн дараа эхлэхээр шийдэж байв. Энэ хугацаа өчигдөр буюу Даваа гарагт дууссан юм.

АНУ-ын худалдааны яамны сайд Уиллбур Росс хоригийн хэрэгжиж эхлэх хугацааг дахин 90 хоногоор хойшлуулж байгааг өчигдөр зарлажээ.

“Бид тэдэнд асуудлаа шийдэх багахан хугацаа нэмж олгож байна” гэж Росс мэдэгдсэн байна.

Гэхдээ АНУ-ын засаг захиргаа боломж олгохын хажуугаар хоригийн хүрээгээ өргөтгөж, Хуавэй компанийн салбар 46 компанийг “хар жагсаалт”-д нэмж оруулахаар болсноо өчигдөр мэдэгджээ.

Шийдвэрийг зарласны дараа Хуавэй салбар компаниудыг нь улс төрийн шалтгаанаар хоригт нэмж оруулах болсныг эсэргүүцэж байгаагаа илэрхийлсэн байна.

Мөн “Өнөөдрийн шийдвэр Хуавэй компанийн бизнест ноцтой нөлөө үзүүлэхгүй” гэж мэдэгджээ.

АНУ-ын засаг захиргаа Хуавэй компанийг Хятад улсын засгийн газартай хамтран ажиллаж, тагнуулын үйл ажиллагаа явуулдаг тул үндэсний аюулгүй байдалд нь заналхийлж байна гэж үзэж байгаа.

Харин Хуавэй үүнийг эрс үгүйсгэж, засгийн газраасаа хамааралгүй ажилладаг болохоо дахин дахин мэдэгдэж байна.

 

Эх сурвалж: BBC

 

x