ЖИ СИ АР МОНГОЛИА ХХК топ 100 шалгаруулалтад анх удаа шалгарлаа

Монгол Улсын Засгийн Газар, Монголын Үндэсний Худалдаа Аж Үйлдвэрийн Танхимтай хамтран 18 дахь жилдээ Монгол Улсын “ТОП 100” аж ахуйн нэгжүүдэд өргөмжлөл гардуулах ёслолын арга хэмжээг 2019 оны 5 дугаар сарын 17-ны өдөр Төрийн ордны Ёслол хүндэтгэлийн танхимд зохион байгуулж, “ТОП 100” аж ахуйн нэгжийн 52-р байранд “Жи Си Ар Монголиа” ХХК-г шалгарууллаа.

 

Жи Си Ар Монголиа ХХК нь улсад татвараа хугацаанд нь төлж, эдийн засгийн тогтвортой хөгжилд бодитой хувь нэмрээ оруулж  буй бөгөөд өнгөрсөн онд гэхэд 700 гаруй ажлын байр шинээр бий болгожээ. 

Мөн түүнчлэн Үндэсний Ур Чадвар Хөгжүүлэх уриан дор бид өөрсдийн мэргэжил сургалтын төвөө нээж үүнийхээ үр дүнд бид Монгол ажилчидынхаа ур чадварт хандсан сургалтын хөтөлбөрүүдийг амжилттай хэрэгжүүлсэн байна. 

 

Бидний энэхүү амжилт нь харилцагч, хамтран ажиллагч байгууллагууд болон бүх хамт олон та бүхний итгэл, хамтын ажиллагаатай салшгүй холбоотой билээ.

GCR MONGOLIA – ENGINEERED EXCELLENCE